ރައީސް އިބްރާހިމް މުހައްމަދު ސާލިހުގެ ސަރުކާރުގެ ސިޔާސަތުތަކުން ރައްޔިތުންގެ ދިރިއުޅުމަށް ކުރިއެރުންތަކެއް ލިބިފައިވާކަން ހާމަވެއްޖެކަމަށް މިނިސްޓަރ އޮފް އެންވަޔަރަމެންޓް، ކްލައިމެޓް ޗޭންޖް އެންޑް ޓެކްނޮލޮޖީ އައިމިނަތު ޝައުނާ ވިދާޅުވެއްޖެއެވެ.

ޝައުނާ މިހެން ވިދާޅުވީ ގުރައިދޫ ދާއިރާގެ ބައި އިލެކްޝަން ކާމިޔާބުކުރި އެމްޑީޕީގެ ކެނޑިޑޭޓަށް މަރުހަބާ ދަންނަވައި ފޮނުއްވި މެސެޖެއްގައެވެ.

ޝައުނާ ވިދާޅުވީ ރައީސް ސާލިހުގެ ސަރުކާރުގެ ސިޔާސަތުތަކުގެ ސަބަބުން ގުރައިދޫ ދާއިރާގެ ރައްޔިތުންގެ ދިރިއުޅުމަށް ކުރިއެރުންތަކެއް ލިބިފައިވާކަން ގުރައިދޫ ދާއިރާގެ ރައްޔިތުންގެ ނިންމުމުން ހާމަވެގެންދާކަމަށެވެ. އަދި ކުރިއަށް އޮތް ރިޔާސީ އިންތިހާބު އެމްޑީޕީއަށް ކާމިޔާބުކޮށްދިނުމަށް ގުޅިގެން މަސައްކަތް ކުރަންޖެހޭކަމަށްވެސް ޝައުނާ ވިދާޅުވިއެވެ.

Huge congratulations to @shaaxibrahim. This is a strong approval for President @ibusolih and our administration’s policies that has improved people’s lives in Guraidhoo dhaairaa during this term. Let’s work together to win 2023 for MDP. https://t.co/tzJzZryVow

— Shauna Aminath 🎈❓ (@anuahsa) April 16, 2023

ގުރައިދޫ ދާއިރާގެ ކާމިޔާބީ އެމްޑީޕީން ފާހަގަކުރާ މައިގަނޑު ސަބަބަކީ މިއީ އެ ޕާޓީއަށް އަލަށް ކާމިޔާބުކުރެވުނު ދާއިރާއަކަށްވުމުންނެވެ. މީގެކުރިން މިގޮނޑި މުޅިންވެސް ކާމިޔާބުކޮށްފައިވަނީ ޕީޕީޢެމާއި ކުރީގެ ޑީއާރުޕީންނެވެ.

މި ގޮނޑި އެމްޑީޕީގެ ކެނޑިޑޭޓަށް ކާމިޔާބުކުރެވުނީ 49 އިންސައްތަ ވޯޓުންނެވެ.