ޖުމްހޫރީ ޕާޓީގެ މެމްބަރެއްގެ ގޮތުގައި ހުންނެވި ރައްޔިތުންގެ މަޖިލީހުގެ އިސްދޫ ދާއިރާގެ މެމްބަރު އަލީ ހަމީދު އެމްޑީޕީއަށް މިއަދު ސޮއިކުރައްވައިފިއެވެ.

އަަލީ ހަމީދު އެމްޑީޕީއަށް ސޮއިކޮށްފައިވަނީ މުލިއާގޭގައި މިއަދު ބޭއްވި ރަސްމިއްޔާތެއްގައެވެ.

ލ.އިސްދޫ ދާއިރާގެ ރައްޔިތުންގެ މަޖިލިސް މެންބަރު އަލީ ހަމީދު އެމްޑީޕީ އާއި ގުޅިވަޑައިގެންފި. ތިޔަ ނިންމެވި ނިންމުމަށް ވަރަށް ހޫނު މަރުޚަބާއެއް ދަންނަވަން. pic.twitter.com/2ryhxAQMc0

— MDP Secretariat (@MDPSecretariat) April 3, 2023

މި ރަސްމިއްޔާތުގައި އެމްޑީޕީގެ އިސް ލީޑަރު، ރައީސުލްޖުމްހޫރިއްޔާ އިބްރާހިމް މުހައްމަދު ސާލިހާއި، ޗެއާޕާސަން ފައްޔާޒް އިސްމާއިލްގެ އިތުރުން ޕާޓީގެ ލީޑަޝިޕް ބޭފުންގެ ބައިވެރިވެވަޑައިގެންނެވިއެވެ.

އަލީ ހަމީދު އެމްޑީޕީއަށް ސޮއިކުރުމުން އެމްޑީޕީގެ މަޖިލިސް މެމްބަރުންގެ އަދަދު 67 އަށް އެރީއެވެ.

އަލީ ހަމީދު އެމްޑީޕީއަށް ސޮއިކޮށްފައިވާއިރު ޖުމްހޫރީ ޕާޓީގައި އިސްކޮށް އުޅުއްވާ ގިނަ މެމްބަރުންތަކެއް ދަނީ ރައީސް ސާލިހަށް ތާއީދުކުރާކަން ހާމަކުރަމުންނެވެ. އޭގެތެރޭގައި މިިނިސްޓަރ އަހުމަދު ސަމީރު، މިނިސްޓަރ އަބްދުﷲ މައުސޫމްވެސް ހިމެނިވަޑައިގަންނަވައެެވެ.