ސިޓީ ކައުންސިލުން ހުއްދަނެތި ޔޫތު މިނިސްޓްރީގެ ސާމާނުތަކެއް ގެންގޮސްފައިވާކަމަށް ސްޕޯޓްސް މިނިސްޓަރ އަހުމަދު މަހްލޫފް ވިދާޅުވެއްޖެއެވެ.

މަހްލޫފް ވިދާޅުވީ ‏ޔޫތު މިނިސްޓްރީގެ ބިމެއްގެ ތެރެއަށް ވަދެ އެތަނުގައި ހުރި ގުދަނުގެ ތަޅުހަލާކުކޮށްލާ، ގުދަންކޮށްފައި ހުރި އަގުބޮޑު ސާމާނުތައް ގެންގޮސްފައިކަމަށެވެ.

ޔޫތު މިނިސްޓްރީގެ ބިމެއްގެ ތެރެއަށްވަދެ އެތަނުގައިހުރި ގުދަނުގެ ތަޅުހަލާކުކޮށްލާ ގުދަންކޮށްފައި ހުރި އަގުބޮޑު ސާމާނުތައް ގެންދަނީ.

މިކަން ވަގުތުން ހުއްޓާލުމަށް ސިޓީ ކައުންސިލްއަށް ގޮވާލަން. އަދި ގެއްލޭ ތަކެއްޗާއި ގެއްލުންލިބޭ ތަކެއްޗަށް ޒިންމާ އުފުލަންވާނެ. pic.twitter.com/fJLLdB8Tzh

— Ahmed Mahloof (@AhmedMahloof) March 31, 2023

މަހްލޫފް ވަނީ އެކަން ވަގުތުން ހުއްޓާލުމަށް ސިޓީ ކައުންސިލަށް ގޮވާލާފައެވެ. އަދި ގެއްލޭ ތަކެއްޗާއި ގެއްލުން ލިބޭ ތަކެއްޗަށް ޒިންމާ އުފުލަންވާނެކަމަށްވެސް މަހްލޫފް ވިދާޅުވިއެވެ.

ސިޓީ ކައުންސިލުން ވަނީ ހުއްދަނެތި ޔޫތު މިނިސްޓްރީގެ ސާމާނުތަކެއް ގެންގޮސްފައިކަމަށް ސްޕޯޓްސް މިނިސްޓަރ އަހުމަދު މަހްލޫފް ވިދާޅުވިނަމަވެސް ސިޓީ ކައުންސިލުން އެކަމާއި ގުޅޭގޮތުން ވާހަކައެއް ނުދައްކައެވެ.