މިސްރުގައި ކުރިއަށްދާ ތިމާވެށީގެ ސަމިޓް، ކޮޕް 27 ސަމިޓުގައި ރާއްޖޭގެ ރައްޔިތުންގެ މަޖިލީހުގެ ރައީސް، ރައީސް މުހައްމަދު ނަޝީދު ސްރީލަންކާ ތަމްސީލުކުރައްވާތީ އައްޑޫ މީދޫ ދާއިރާގެ މެމްބަރު ރޮޒައިނާ އާދަމް ކަންބޮޑުވުން ފާޅުކުރައްވައިފިއެވެ.

ކޮޕް 27 ސަމިޓުގައި ރާއްޖޭގެ ރައްޔިތުންގެ މަޖިލީހުގެ ރައީސް، ރައީސް މުހައްމަދު ނަޝީދު ސްރީލަންކާ ތަމްސީލުކުރައްވާތީ ރޮޒައިނާ ކަންބޮޑުވުން ފާޅުކުރެއްވިއިރު، އެހެން ބައެއް ސިޔާސީ ބޭފުޅުންވެސް ގެންދަވަނީ އެކަމާއި ކަންބޮޑުވުން ފާޅުކުރަމުންނެވެ.

މިކަމާއި ކަންބޮޑުވުން ފާޅުކޮށް ރޮޒައިނާ ކުރެއްވި ޓްވީޓެއްގައި ވަނީ ބަންޑާރަ ނައިބާއިވެސް ސުވާލުތަކެއް ކުރިމަތިކޮށްފައެވެ. އެގޮތުން ރާއްޖެ ބައިވެރިވާ ސަމިޓެއްގައި މަޖިލީހުގެ ރައީސަށް އެހެން ޤައުމެއް ތަމްސީލު ކުރެއްވޭނެތޯޯ ރޮޒައިނާ ސުވާލުކުރައްވާފައިވެއެވެ.

Bandaara naibah suvaaleh:
Raajjeyge rayyithunge majleehuge raees ah, raajje baiverivaa forum ehga amudhun, ehen qaumeh thamseelu kurevidhaanetho? @ibriffath
Alhuganduge buhdhi akah qabooleh nukurevey ekan kurevidhaane kamakah.

— 𝐌𝐏 𝐑𝐨𝐳𝐚𝐢𝐧𝐚 𝐀𝐝𝐚𝐦 🎈 (@Roxeyna) November 5, 2022

"އަޅުގަނޑު ބުއްދިއަކަށް ގަބޫލެއް ނުކުރެވޭ އެކަން ކުރެވިދާނެކަމަކަށް" ރޮޒައިނާ ވިދާޅުވިއެވެ.

Majleehun evves kharadheh nukuramey bunumakun mikan halleh nuvey. Irukolhakun alhugandumenge Raeesul Jumhooriyya ves vadainnavan vee dhehtho UN ah Srilanka thamseelu kuran. Dhen raees ofeehun haradheh nukureyey buneema nimunee? Mee kon kahala kameh?

— 𝐌𝐏 𝐑𝐨𝐳𝐚𝐢𝐧𝐚 𝐀𝐝𝐚𝐦 🎈 (@Roxeyna) November 5, 2022

ރޮޒައިނާ ވިދާޅުވީ މަޖިލީހުން ރައީސް ނަޝީދުގެ ދަތުރަށް ހަރަދެއް ނުކުރަމޭ ބުންޏަސް މިކަން ނުނިމޭނެކަމަށެވެ.

މިސްރުގެ ރިސޯޓް ރަށެއްކަމަށްވާ ޝާމް އަލް ޝައިހްގައި ބާއްވާ ކޮޕް 27 ސަމިޓުގައި ބައިވެރިވެވަޑައިގަތުމަށް ރައީސް ނަޝީދު ހުކުރުދުވަހު ވަނީ ފުރާވަޑައިގެންފައެވެ. ނަމަވެސް، ރައީސް ނަޝީދުގެ މި ދަތުރުފުޅަށް ދިވެހި ދައުލަތުން އެއްވެސް ހަރަދެއް ނުކުރާނެކަމަށް މަޖިލީހުން ވަނީ ބުނެފައެވެ.