ފޮރިން ސާވިސް ޤާނޫނުގެ ދަށުން، ފޮރިންގ ސާވިސް އެޑްވައިޒަރީ ބޯޑު އެކުލަވާލައިފިއެވެ.

ފޮރިން ސާވިސް ގާނޫނުގައިވާ ގޮތުން، ފޮރިންގ ސާވިސް އެޑްވައިޒަރީ ބޯޑަކީ ދިވެހިރާއްޖޭގެ ޚާރިޖީ ސިޔާސަތާ ގުޅޭގޮތުން އެކިއެކި މަސައްކަތްތައް ހަރުދަނާ ގޮތެއްގައި ކުރިޔަށް ގެންދިއުމަށްޓަކާ މިނިސްޓަރަށް ބޭނުންވާ ލަފާ ދިނުމާއި، އަދި މުވައްޒަފުންނާ ގުޅޭ އެހެނިހެން ކަންކަމުގައިވެސް އޭރަކު ހުންނަވާ ވަޒީރަކަށް ލަފާ ދިނުމަށްޓަކާ އެކުލަވާލާ ބޯޑެކެވެ.

މި ބޯޑުގައި ހިމެނި ވަޑައިގަންނަވާ ބޭފުޅުންނަކީ އަހުމަދު ލަތީފް (ފޮރިންގ ސެކެޓްރީ)، އަހުމަދު ރަޝީދު، ކަރަންކާގެ/ށ. މާއުނގޫދޫ (ފޮރިންގ މިނިސްޓްރީއަށް 10 އަހަރު ޚިދުމަތް ކޮށްފައިވާ، ޚިދުމަތުގައި ނޫޅޭ މީހެއްގެ ހައިސިއްޔަތުން), އާމިނަތު ޝިފާނާ/ފޮރިންގ މިނިސްޓްރީގެ އެޑިޝަނަލް ސެކެޓްރީ (ފޮރިންގ ސާވިސްގެ އެގްޒެކެޓިވް ސްޓާފުންގެ ގިންތީގެ ތެރެއިން)، ޚަދީޖާ ނަޖީހާ، ޖޮއިންޓް ސެކެޓްރީ (ފޮރިންގ ސާވިސް އިންސްޓީޓިއުޓްގެ އިސްވެރިޔާ)، އާމިނަތު ސަމްރާ/ޑެސްކު އޮފިސަރ (ފޮރިން ސާވިސް ޖެނެރަލް ސްޓާފުންގެ ގިންތީގެ ތެރެއިން) އެވެ

As per Foreign Service Act 20/2021, have appointed the 1st Foreign Service Advisory Board:

1.Ambassador Ahmed Latheef @ForeignSecMV
2.Ambassador (rtd) Ahmed Rasheed
3. Ms Aminath Shifana
4. Ms Khadeeja Najeeha
5. Ms Aminath Samra

✅representative
✅gender balanced pic.twitter.com/pd4w3L4khG

— Abdulla Shahid (@abdulla_shahid) August 10, 2022

ފޮރިން މިނިސްޓްރީން ބުނީ މިއީ އިއްޔެއިން ފެށިގެން 1 އަހަރު ދުވަހަށް ބޯޑަށް އައްޔަން ކޮށްފައިވާ މެމްބަރުންކަމަށެވެ.

ފޮރިން މިނިސްޓަރ އަބްދުﷲ ޝާހިދު ވިދާޅުވީ ފޮރިން ސަރވިސަސް އެޑްވައިޒަރީ ބޯޑު އެކުލަވާލައްވާފައިވަނީ ހުރިހާ ދައިރާއެއް ތަމްސީލުވާ ގޮތަށް، ޖިންސުގެ ހަމަހަމަ ކަމަށްވެސް އިސްކަން ދެއްވައިގެން ކަމުގައެވެ.