މާލޭގައި އަންހެނަކު ރޭޕްކުރި މައްސަލައެއް ބަލަމުން ދާކަމަށް ފުލުހުން ބުނެފިއެވެ.

ފުލުހުން މިރޭ ބުނީ، މާލޭގައި އަންހެނަކު ރޭޕް ކުރި މައްސަލައެއް މިމަހުގެ 8 ވަނަ ދުވަހު ފުލުހުންނަށް ރިޕޯޓް ކޮށްފައިވާ ކަމަށެވެ. އެހެންކަމުން އެކަމާއި ގުޅިގެން ކުރަން ޖެހޭ ތަހުގީގުތައް ކުރަމުން އަންނަ ކަމަށް ވެސް ފުލުހުން ބުނެފައިވެއެވެ. ނަމަވެސް، މި މައްސަލައިގެ އިތުރު މައުލޫމާތެއް މިހާތަނަށް ފުލުހުން ހާމަކޮށްފައެއް ނުވެއެވެ.

މީސްމީޑިއާގައި ދައުރުވަމުން އަންނަ ޕޯސްޓެއްގައިވާ ގޮތުގައި މި ހާދިސާ ހިނގާފައިވަނީ މިމަހުގެ 5 ވަނަ ދުވަހުއެވެ. އެ ޕޯސްޓްގައިވާ ގޮތުން އެކަން ކޮށްފައިވަނީ އެކުއްޖާއާއި 8 ވަރަކަށް މީހުންނާއިއެކުގައި ތިއްބާ އަންހެން ކުއްޖާ ރައްޓެހިވެގެން އުޅޭ ފިރިހެން މީހާ އެހެން މީހަކު ގެއަށް ލާން ދިޔަ ވަގުތުއެވެ.