ހޯމް މިނިސްޓަރ އިމްރާން އަބްދުﷲއަށް ނުވާނެކަމަށް ބުނި ކަންކަން ކުރައްވާތަން މިއަދު ފެންނަމުންދާކަމަށް އިސްލާމިކް މިނިސްޓްރީގެ ސްޓޭޓް މިނިސްޓަރ ޝައިހް މުހައްމަދު އަނިލް ވިދާޅުވެއްޖެއެވެ.

ހޯމް މިނިސްްޓަރ އިމްރާންއަށް ތައުރީފް ކުރައްވާ އަނިލް ޓްވީޓްކުރައްވާފައި މިވަނީ އެއް ޖިންސުން ގުޅުން ހިންގި މައްސަލައިގައި ބަޔަކު ހައްޔަރުކުރުމުގެ މަސައްކަތް ފުލުހުން ފަށާފައިވާ ދަނޑިވަޅެއްގައެވެ.

ޝައިހް އަނިލް ވިދާޅުވީ އަދާލަތު ޕާޓީ ފެށުނީއްސުރެ މަސައްކަތް ކުރަނީ ހައްޤާއި އިންސާފާއި އިސްލާމް ދީނާއި ދިވެހި ޤައުމުގެ ހައްޤުގައިކަމަށެވެ. އަދި އަދާލަތު ޕާޓީއާއި ޕާޓީގެ ލީޑަރޝިޕް އޮތީ ޕާޓީގެ އަސާސްތަކުގެ މަތީގައިކަން މިއަދު ދިވެހި ރައްޔިތުންނަށް ހާމަ ވާނެކަމަށް އަނިލް ވިދާޅުވިއެވެ.

އަނިލް ވިދާޅުވީ، ނުވާނެ ކަމަށް ބަޔަކު ބުނި ކަންކަން މިނިސްޓަރ އިމްރާން ކުރައްވާ ތަން ފެންނަމުންދާކަމަށެވެ.

AP feshuneessure masakkaiy kuranee haqqaai insaafah. Islam dheenaai dhivehi qaumuge haqquga.@AdhaalathOffice aai leadership othee party ge asaas thakuge matheega kan miadhu dhivehi rayyithunna haama vaane.
Nuvaane kamah bayaku buni kan kan @shimranab kuravvaathan mi fennanee. https://t.co/xZQ2Wh395F

— Aneel 🇲🇻 (@aneelmv) July 28, 2022

އެއް ޖިންސުން ގުޅުން ހިންގި މައްސަލައިގައި ބަޔަކު ހައްޔަރުކުރުމުގެ މަސައްކަތް ފުލުހުން ފަށާފައިވާއިރު، އެކަން ލަސްވެގެން ގިނަ ބަޔަކު ދިޔައީ ސަރުކާރަށް ވަރަށް ބޮޑަށް ފާޑު ކިޔަމުންނެވެ.