ހުޅުމާލޭ ދެވަނަ ފިޔަވަހީގައި އިމާރާތްކޮށްފައިވާ ހިޔާ ފްލެޓުތަކުގައި މިހާތަނަށް 700 އަށް ވުރެ ގިނަ ކެމެރާ ހަރުކޮށްފައިވާކަމަށް އެޗްޑީސީން ބުނެފިއެވެ.

އެޗްޑީސީން ބުނީ މިހާތަނަށް 4 ޓަވަރެއްގައި ކެމެރާ ހަރުކުރުމުގެ މަސައްކަތް ނިމިފައިވާއިރު، ޖުމްލަ 768 ކެމެރާ ހަރުކޮށްފައިވާކަމަށެވެ. އެއީ ކޮންމެ ޓަވަރެއްގައި 192 ކެމެރާއެވެ.

To ensure the security of tenants, 768 cameras have been installed and are in operation in Hiya towers H13-16. The project will be continued in all towers as well. #MageyHiya #MyHulhumalé pic.twitter.com/Xt2uxZ40du

— HDC (@hdcmaldives) July 20, 2022

އެޗްޑީސީން ބުނީ ބާކީ ހުރި 12 ޓަވަރުގައި ވެސް ސެކިއުރިޓީ ކެމެރާ ހަރުކުރަމުން އަންނަ ކަމަށެވެ. އަދި އެ ކެމެރާތައް ހަރުކުރުމުން ހިޔާ ސަރަހައްދުގައި 3000 އަށްވުރެ ގިނަ ސީސީޓީވީ ކެމެރާ އޮޕަރޭޓްކުރަމުންދާނެކަމަށް އެޗްޑީސީން ބުނެއެވެ.

ހިޔާ ފްލެޓްތަކުގައި ކެމެރާ ހަރުކުރުމުގެ މަސައްކަތް އެޗްޑީސީން ހަވާލުކުރީ ދެ ކުންފުންޏަކާއެވެ. އަދި ހިޔާ ފްލެޓްތަކުގެ ސެކިއުރިޓީ ކަންކަން ވަށި ޕްރައިވެޓް ލިމިޓެޑް ކުންފުންޏާއި ވަނީ ހަވާލުކޮށްފައެވެ.