މާލެ ސަރަހައްދުގައި ދިރިއުޅޭ މީހުން ދަތުރުދިއުމަށް ސަރުކާރުން ތަރައްޤީކުރަމުންދާ ކުޑަގިރީގައި ޤާއިމްކުރާ މިސްކިތުގެ ބޮޑުބައެއް ނިމިފައިވާކަމަށް އެމްޓީސީސީން ބުނެފިއެވެ.

ކުޑަގިރީގައި އެމްޓީސީސީން ޤާއިމްކުރާ މި މިސްކިތަކީ މަސީން އެކުންފުންޏާއި ހަވާލުކޮށްގެން ކުރިއަށްގެންދާ މަސައްކަތެކެވެ.

އެމްޓީސީސީން ބުނީ ކުޑަގިރީގައި ޤާއިމްކުރާ މިސްކިތުގެ 70 އިންސައްތަ މަަސައްކަތް ނިމިފައިވާކަމަށެވެ. އަދި މިހާރު ކުރިއަށްދަނީ ސީލިންގެ މަސައްކަތާއި ފިނިޝިންގެ މަސައްކަތްކަމަށްވެސް އެމްޓީސީސީން ބުނެއެވެ.

The development of the mosque built in K. kudagiri picnic island is well underway, with 70% completion. Ceiling and finishing works are currently ongoing. The project is contracted to us by MACI as a CSR initiative.#MTCCProjects #kudagiripicnicisland pic.twitter.com/1wgGqmtgOp

— MTCC Plc (@MTCCPlc) July 14, 2022

މާލޭ ސަރަޙައްދުގައި އުޅޭ މީހުން ދަތުރުދާން ހާއްސަކޮށްގެން ތަރައްގީކުރަމުން އަންނަ ކ. ކުޑަގިރީގެ މަސައްކަތް ބާރަށް ކުރިއަށްދާއިރު އެމްޓީސީސީން ބުނީ ކުޑަގިރި ޕިކްނިކް އައިލޭންޑްގެ މަސައްކަތް ރެޔާއި ދުވާލު ހުއްޓުމެއް ނެތި ކުރަމުން އަންނަ ކަމަށެވެ. އެގޮތުން ޖެޓީގެ މަސައްކަތުގެ 80 ޕަސެންޓް މިހާރު ނިމިފައިވާ ކަމަށް އެމްޓީސީސީން ބުނެ އެވެ.

ކުޑަގިރީގައި ޕިކްނިކް އައިލެންޑެއް ތަރައްގީ ކުރުމަށް ސަރުކާރުން އެމްޓީސީސީއާ ހަވާލުކޮށްފައިވާ މި މަސައްކަތަށް ގާތްގަނޑަކަށް 41.4 މިލިއަން ރުފިޔާ ހަރަދު ކުރުމަށް ވަނީ ނިންމާފައެވެ.

މި މަޝްރޫއުގެ ދަށުން އެ ރަށުގައި އަށް ހެކްޓަރުގެ ބިން ހިއްކުމަށް ވަނީ ނިންމާފަ އެވެ. އަދި 397.27 މީޓަރުގެ ބޮޑު ހިލައިގެ ބްރޭކްވޯޓާ އަކާއި، 428.32 މީޓަރުގެ ބޮޑު ހިލައިގެ ގްރޮއިންސް އެޅުން ހިމެނެ އެވެ.

މި ޕްރޮޖެކްޓުގެ ދަށުން ޕިކްނިކް އައިލޭންޑުގެ އިތުރުން އެރަށް ކައިރިން ފިނޮޅެއްވެސް ހަދަން ވަނީ ނިންމާފައެވެ. އެއީ 1.5 ހެކްޓަރުގެ ރަށެކެވެ.

މާލޭގައި ދިރިއުޅޭ ރައްޔިތުން ދަތުރު ދިއުމަށް މާލެ ސަރަހައްދުގައި ރަށެއް ތަރައްގީކުރުމަކީ ރައީސް އިބްރާހީމް މުހައްމަދު ސޯލިހުގެ ރިޔާސީ ވައުދުގެ ތެރޭގަައި ހިމެނޭ ކަމެކެެވެ.

ސަރުކާރުން މަސައްކަތްކުރަމުންދަނީ އަންނަ މިނިވަން ދުވަހަށް މި ތަން ބޭނުންކުރަން ފެށޭވަރުކުރުމަށެވެ.