ރައީސުލްޖުމްހޫރިއްޔާކަން ކޮށްފައިވާ ފަރާތްތަކަށް އަލުން ވެރިކަން ދޭން ރައްޔިތުންގެ ތާއީދު ނުކުރާކަމަށް އެމްޑީޕީގެ ކުރީގެ ނާއިބު ރައީސް އަލްހާން ފަހްމީ ވިދާޅުވެއްޖެއެވެ.

ރައްޔިތުންގެ މަޖިލީހުގެ މެމްބަރުންކަންވެސް ކުރައްވާފައިވާ އަލްހާން ވިދާޅުވީ ‏ރައީސް މައުމޫނާއި، ރައީސް ނަޝީދާއި ރައީސް ވަޙީދާއި ރައީސް ޔާމީން އަލުން ވެރިކަމަށް ގެނައުމަކީ ދިވެހިންގެ މެޖޯރިޓީން ބޭނުންވާ ކަމެއް ނޫންކަމަށެވެ.

އަލްހާންގެ ވަނީ އެބޭފުޅުން ދެއްވި ޚިދުމަތަށް ޝުކުރު އަދާކުރަށްވައި ނަމަވެސް ސިޔާސީ މައިދާނުން އެބޭފުޅުން އެކަހެރި ވެވަޑައިގަތުމަށް އިލްތިމާސް ކުރަށްވައިފައެވެ. އަދި މިއީ ޤަބީލާތަކާ ރޫޙާނީ ލީޑަރުންގެ ޒަމާނެއް ނޫންކަމަށްވެސް އަލްހާން ވިދާޅުވިއެވެ.

ރައީސް މައުމޫނާ، ރައީސް ނަޝީދާ ރައީސް ވަޙީދާ ،ރައީސް ޔާމީން އަލުން ވެރިކަމަށް ގެނައުމަކީ ދިވެހިންގެ މެޖޯރިޓީން ބޭނުންވާ ކަމެއް ނޫން!
ދެއްވި ޚިދުމަތަށް ޝުކުރު ދަންނަވަމުން، ސިޔާސީ މައިދާނުން އެކަހެރި ވެވަޑައިގަތުމަށް އިލްތިމާސް ކުރަން!

ޤަބީލާތަކާ ރޫޙާނީ ލީޑަރުންގެ ޒަމާނެއް ނޫން!

— 𝗔𝗹𝗵𝗮𝗻 𝗙𝗮𝗵𝗺𝘆 - 𝗔𝗙 (@AlhanFahmy) July 13, 2021

ކުރީގެ ރައީސުންނަށް ވެރިކަން ދޭން ރައްޔިތުން ބޭނުންނުވާކަމަށް އަލްހާން ވިދާޅުވިއިރު، ރައީސް ނަޝީދާއި ރައީސް ޔާމީންވެސް އަލުން ވެރިކަމަށް ވަޑައިގަތުމުގެ ޝައުގުވެރިކަން ގެންގުޅުއްވާކަން ސިޔާސީ މަސްރަހުން އޮތީ ފެންނާށެވެ. ރައީސް ވަހީދު ބައެއް ފަހަރު އުޅުއްވާ ގޮތުންނާއި ވިދާޅުވާ ބަސްފުޅުތަކުން ވެރިކަމުގެ ޝައުގުވެރިކަން ހުންނަކަން ވަނީ ހާމަވެފައެވެ. ނަމަވެސް ރައީސް މައުމޫނުގެ ފަރާތުން އެފަދަ އެއްވެސް މަންޒަރެއް ނުފެނެއެވެ.