އައްޑޫ އިކުއިޓޯރިއަލް ހޮސްޕިޓަލް (އޭއީއެޗް) އިން މެޑިކަލް ކޮންޒިއުމަބަލްސް އާއި މެޝިނަރީޒް ހޯދުމުގައި ދައުލަތުގެ މާލިއްޔަތު ގަވާއިދާ ޚިލާފަށް އަމަލުކޮށްފައިވާކަން އޮޑިޓަރ ޖެނެރަލްގެ އޮފީހުން ނެރުނު އެ ހޮސްޕިޓަލުގެ އޮޑިޓް ރިޕޯޓުން ހާމަވެއްޖެއެވެ.
އޮޑިޓް ރިޕޯޓުގައި ފާހަގަކޮށްފައިވަނީ 2022 ވަނަ އަހަރުން ފެށިގެން 2024 ވަނަ އަހަރުގެ ނިޔަލަށް ހޮސްޕިޓަލަށް މެޑިކަލް ކޮންޒިއުމަބަލްސް އާއި، މެޝިނަރީސް ހޯދުމަށް ޖުމުލަ 183،924،350 (އެއްސަތޭކަ އަށްޑިހަ ތިން މިލިޔަން ނުވަ ސަތޭކަ ސައުވީސް ހާސް ތިން ސަތޭކަ ފަންސާސް) ރުފިޔާ ވަނީ ޚަރަދުކޮށްފައި ކަމަށެވެ. މިއީ އެ މުއްދަތުގައި އެ ހޮސްޕިޓަލަށް ކަނޑައަޅާފައިވާ ޖުމުލަ ބަޖެޓުގެ 23.8 އިންސައްތައެވެ. މި ޚަރަދުތައް "ކީ އޮޑިޓް މެޓާ" އެއްގެ ގޮތުގައި ބަލާފައިވަނީ ހޮސްޕިޓަލުގެ ބަޖެޓުގެ ބޮޑުބައެއް މިކަމަށް ހޭދަކޮށްފައިވުމާއި، މާކެޓް ރޭޓަށްވުރެ ބޮޑު އަގުގައި ތަކެތި ގަނެފައިވާ ކަމަށް ފާހަގަކުރެވިފައިވާތީ، މިއީ ކޮންޓްރޯލްތަކާއި ގަވާއިދުތަކާ ޚިލާފުވުމުގެ ބޮޑު ރިސްކެއް އޮތް ކަމަކަށް ވާތީއެވެ.
މި އޮޑިޓުގައި ހޮސްޕިޓަލުގެ ލެބޯރަޓަރީ މެޝިނަރީޒްތަކަށް ބޭނުންވާ ރީއެޖެންޓްސް ހޯދާފައިވަނީ ލެބޯރަޓަރީގެ ރިކުއެސްޓްތަކާ އެއްގޮތަށް އަދި ހުރިހާ ފަރާތްތަކުގެ މަސްލަހަތު ހިމާޔަތްވާ ގޮތަށްތޯއާއި، ހޮސްޕިޓަލަށް ހޯދި މެޝިންތަކަކީ ހަގީގަތުގައިވެސް ބޭނުންވާ ތަކެތިތޯ އަދި އެ ތަކެތި ހޯދުމަށްފަހު ޚިދުމަތް ދޭން ފަށާފައިވޭތޯވެސް ވަނީ ބަލާފައެވެ.
ދައުލަތުގެ މާލިއްޔަތު ގަވާއިދުގެ 10.01 ވަނަ މާއްދާގެ (ހ) ގައި ދައުލަތުގެ ފައިސާ ހޭދަކުރަންވާނީ ވާދަވެރި މާހައުލެއްގެ ތެރެއިން އެންމެ ފައިދާހުރި އަދި ޒިންމާދާރު ގޮތެއްގައި ކަމަށް ބަޔާންކޮށްފައި އޮތް ނަމަވެސް، ޖެނެރަލް ކޮންޒިއުމަބަލްސް ހޯދުމުގައި އެ ގަވާއިދާ އެއްގޮތަށް އަމަލުކޮށްފައި ނުވާކަން ވަނީ ފާހަގަކުރެވިފައެވެ. އަދި މާލިއްޔަތު ގަވާއިދުގެ 10.59 ވަނަ މާއްދާގެ (ހ) ގައި ވަކިން ވިއްކާ އަގުގައި ގިނަ އަދަދެއްގެ ތަކެތި ގަނެގެން ނުވާނެ ކަމަށް ބަޔާންކޮށްފައިވީ ނަމަވެސް، 2022 ގައި އިއުލާނުކުރި 69 އައިޓަމާއި 2023 ގައި އިއުލާނުކުރި 76 އައިޓަމުގެ ތެރެއިން، ތިން އައިޓަމް ފިޔަވައި އެހެން ހުރިހާ އެއްޗަކަށް އަގު ހޯދާފައިވަނީ ވަކިން ވިއްކާ އަގުގައެވެ. މީގެއިތުރުން، އަހަރަކަށް ބޭނުންވާ ތަކެތީގެ ރިކުއާމަންޓް ތައްޔާރުކޮށްފައި އޮތް ނަމަވެސް، އެ މައުލޫމާތު ބީލަންވެރިންނާ ހިއްސާކޮށްފައި ނުވުމުން، ބަލްކް ޕާޗޭސް ޑިސްކައުންޓް ފަދަ މާލީ ފައިދާތައް ހޯދުމުގެ ފުރުސަތު ގެއްލިފައިވާ ކަމަށް އޮޑިޓް ރިޕޯޓުގައި ބަޔާންކޮށްފައިވެއެވެ.
މި ދެ އިއުލާނާ ގުޅިގެން ޝަރުތު ހަމަވާ ބީލަމެއް ހުށަހެޅީ އެންމެ ފަރާތަކުން ކަމަށްވާއިރު، ތަކެތި ހަ ކެޓަގަރީއަކަށް ބަހާލައިގެން ވަކިވަކި އައިޓަމްތަކުގެ ޔުނިޓް އަގު އެއްކޮށްގެން ކެޓަގަރީގެ ޖުމުލަ އަގު ބަލާފައިވާ މިންގަނޑަކީ ހޮސްޕިޓަލަށް މާލީ ގޮތުން އެންމެ ފައިދާހުރި ގޮތް ނޫން ކަމަށްވެސް އޮޑިޓުން ވަނީ ދައްކާފައެވެ. އޭގެ މައިގަނޑު ސަބަބަކީ އެ ކެޓަގަރީތަކުގައި ހިމެނޭ ތަކެތި ބޭނުންކުރާ މިންވަރުގައި ބޮޑެތި ފަރަގުތަކެއް ހުރުމެވެ.
އެގޮތުން، 2023 އަދި 2024 އަށް ބޭނުންވާ ތަކެތީގެ ތެރެއިން 76 އައިޓަމުގެ ޖުމުލަ ކޮންސަމްޕްޝަންގެ 81 އިންސައްތަ ހިއްސާކުރަނީ އެންމެ ހަތަރު އައިޓަމެވެ. މިސާލަކަށް ކެޓަގަރީ އެކެއްގެ ޖުމުލަ ކޮންސަމްޕްޝަންގެ 55 އިންސައްތަ (200،000 ޔުނިޓް) އަކީ ޑިސްޕޯސަބަލް ކަޕެވެ. މި އައިޓަމަށް ބީލަން ކާމިޔާބުކުރި ފަރާތުން ހުށަހަޅާފައިވަނީ އެންމެ 88 ލާރިއެވެ. މިއީ ކެޓަގަރީގެ ޖުމުލަ އަގުގެ އެންމެ 0.08 އިންސައްތައެވެ. މިފަދަ ހާލަތެއްގައި ބޭނުންކުރާ މިންވަރު މަދު އައިޓަމަކުން އެއް ރުފިޔާ އުނިކޮށް، ގިނައިން ބޭނުންވާ މިފަދަ އައިޓަމަކަށް އެއް ރުފިޔާ އިތުރުކުރިޔަސް، ހޮސްޕިޓަލުން 200,000 (ދެލައްކަ) ރުފިޔާއާ ގާތްކުރާ އަދަދެއް އިތުރަށް ޚަރަދުކުރަން ޖެހޭނެއެވެ.
އޮޑިޓަރ ޖެނެރަލްގެ އޮފީހުން ފާހަގަކޮށްފައިވާ ގޮތުގައި، މި އުސޫލުން ބިޑް އިވެލުއޭޓް ކުރުމަކީ ހޮސްޕިޓަލުގެ މާލީ މަސްލަހަތަށް ބޮޑެތި ގެއްލުންތަކެއް ވެދާނެ ކަމެއް ކަމަށެވެ.
މި އޮޑިޓުގައި ހޮސްޕިޓަލުގެ ލެބޯރަޓަރީ މެޝިނަރީޒްތަކަށް ބޭނުންވާ ރީއެޖެންޓްސް ހޯދާފައިވަނީ ލެބޯރަޓަރީގެ ރިކުއެސްޓްތަކާ އެއްގޮތަށް އަދި ހުރިހާ ފަރާތްތަކުގެ މަސްލަހަތު ހިމާޔަތްވާ ގޮތަށްތޯއާއި، ހޮސްޕިޓަލަށް ހޯދި މެޝިންތަކަކީ ހަގީގަތުގައިވެސް ބޭނުންވާ ތަކެތިތޯ އަދި އެ ތަކެތި ހޯދުމަށްފަހު ޚިދުމަތް ދޭން ފަށާފައިވޭތޯވެސް ވަނީ ބަލާފައެވެ.
ދައުލަތުގެ މާލިއްޔަތު ގަވާއިދުގެ 10.01 ވަނަ މާއްދާގެ (ހ) ގައި ދައުލަތުގެ ފައިސާ ހޭދަކުރަންވާނީ ވާދަވެރި މާހައުލެއްގެ ތެރެއިން އެންމެ ފައިދާހުރި އަދި ޒިންމާދާރު ގޮތެއްގައި ކަމަށް ބަޔާންކޮށްފައި އޮތް ނަމަވެސް، ޖެނެރަލް ކޮންޒިއުމަބަލްސް ހޯދުމުގައި އެ ގަވާއިދާ އެއްގޮތަށް އަމަލުކޮށްފައި ނުވާކަން ވަނީ ފާހަގަކުރެވިފައެވެ. އަދި މާލިއްޔަތު ގަވާއިދުގެ 10.59 ވަނަ މާއްދާގެ (ހ) ގައި ވަކިން ވިއްކާ އަގުގައި ގިނަ އަދަދެއްގެ ތަކެތި ގަނެގެން ނުވާނެ ކަމަށް ބަޔާންކޮށްފައިވީ ނަމަވެސް، 2022 ގައި އިއުލާނުކުރި 69 އައިޓަމާއި 2023 ގައި އިއުލާނުކުރި 76 އައިޓަމުގެ ތެރެއިން، ތިން އައިޓަމް ފިޔަވައި އެހެން ހުރިހާ އެއްޗަކަށް އަގު ހޯދާފައިވަނީ ވަކިން ވިއްކާ އަގުގައެވެ. މީގެއިތުރުން، އަހަރަކަށް ބޭނުންވާ ތަކެތީގެ ރިކުއާމަންޓް ތައްޔާރުކޮށްފައި އޮތް ނަމަވެސް، އެ މައުލޫމާތު ބީލަންވެރިންނާ ހިއްސާކޮށްފައި ނުވުމުން، ބަލްކް ޕާޗޭސް ޑިސްކައުންޓް ފަދަ މާލީ ފައިދާތައް ހޯދުމުގެ ފުރުސަތު ގެއްލިފައިވާ ކަމަށް އޮޑިޓް ރިޕޯޓުގައި ބަޔާންކޮށްފައިވެއެވެ.
މި ދެ އިއުލާނާ ގުޅިގެން ޝަރުތު ހަމަވާ ބީލަމެއް ހުށަހެޅީ އެންމެ ފަރާތަކުން ކަމަށްވާއިރު، ތަކެތި ހަ ކެޓަގަރީއަކަށް ބަހާލައިގެން ވަކިވަކި އައިޓަމްތަކުގެ ޔުނިޓް އަގު އެއްކޮށްގެން ކެޓަގަރީގެ ޖުމުލަ އަގު ބަލާފައިވާ މިންގަނޑަކީ ހޮސްޕިޓަލަށް މާލީ ގޮތުން އެންމެ ފައިދާހުރި ގޮތް ނޫން ކަމަށްވެސް އޮޑިޓުން ވަނީ ދައްކާފައެވެ. އޭގެ މައިގަނޑު ސަބަބަކީ އެ ކެޓަގަރީތަކުގައި ހިމެނޭ ތަކެތި ބޭނުންކުރާ މިންވަރުގައި ބޮޑެތި ފަރަގުތަކެއް ހުރުމެވެ.
އޮޑިޓަރ ޖެނެރަލްގެ އޮފީހުން ފާހަގަކޮށްފައިވާ ގޮތުގައި، މި އުސޫލުން ބިޑް އިވެލުއޭޓް ކުރުމަކީ ހޮސްޕިޓަލުގެ މާލީ މަސްލަހަތަށް ބޮޑެތި ގެއްލުންތަކެއް ވެދާނެ ކަމެއް ކަމަށެވެ.
ކިޔުންތެރިންގެ ހިޔާލު