ފަރުމަސް އާލާކުރުމުގެ ދާއިރާއިން ބޭނުންވާ ފަންނީ ހުނަރު އުނގަންނައިދީ، މި ދާއިރާއަށް ޝައުޤުވެރިވާ މީހުން ބިނާކުރުމުގެ މަޤްޞަދުގައި ހިންގާ "މެރިން ހެޗަރީ ސްކިލްސް ޑިވެލޮޕްމަންޓް ޕްރޮގްރާމް" ގެ މިއަހަރުގެ ހަތަރުވަނަ ބުރުގައި ބައިވެރިވުމުގެ ފުރުސަތު ހުޅުވާލައިފިއެވެ.
މި ޕްރޮގްރާމަކީ މިނިސްޓްރީ އޮފް ފިޝަރީޒް، އެގްރިކަލްޗަރ އެންޑް އޯޝަން ރިސޯސަސް އާއި މޯލްޑިވްސް މެރިން ރިސާރޗް އިންސްޓިޓިއުޓުން، ވޯލްޑް ބޭންކްގެ އެހީގައި ތަންފީޒުކުރާ ޓްރާންސްފޯމް ޕްރޮޖެކްޓާއި ގުޅިގެން ހިންގާ ޕްރޮގްރާމެއް ކަމަށް ފިޝަރީޒް މިނިސްޓްރީން މަޢުލޫމާތު ދީފައިވެއެވެ. ކ. މަނިޔަފުށީ ރިސާރޗް އެންޑް ޓްރެއިނިންގ ފެސިލިޓީގައި ކުރިއަށްގެންދާ މި އަސާސީ މެރިކަލްޗަރ ކޯސް ތާވަލު ކޮށްފައިވަނީ 31 އޮކްޓޯބަރ 2026 އިން 12 ނޮވެމްބަރ 2026 ގެ ނިޔަލަށެވެ.
ޖުމްލަ 15 ބައިވެރިންނަށް ފުރުސަތު ހުޅުވާލާފައިވާ މި ފަންނީ ތަމްރީނު ޕްރޮގްރާމްގެ މުއްދަތަކީ 14 ދުވަސް ކަމަށް ފިޝަރީޒް މިނިސްޓްރީން މަޢުލޫމާތު ދީފައިވެއެވެ. މިކޯހުގައި ކިޔަވައި ދިނުމަށް ހަމަޖެހފައިވާ ބައިތަކަކީ، އެކްއަކަލްޗަރގެ ނިޒާމުތަކާއި، ދިރޭ ކަނާ އާލާކުރުމާއި، ފާނަ ވިއްސައި ކުދި ފާނަ ބޮޑުކުރުމާއި، ހުއިފިލަނޑާ ވިއްސައި ކުދި ހުއިފިލަނޑާ ބޮޑުކުރުމާއި، ދިވެހި މާގަނޑުމަސް ވިއްސައި ކުދިމަސް ބޮޑުކުރުމާއި، އިތާމުތް އާލާކުރުމާއި، މޫދުވިނަ (ސީވީޑް) ހައްދައި އާލާކުރުމުގެ ތިއަރީ ކިޔަވައި ދިނުމާއި، އާލާކުރާ ދިރުމަށް ޖެހޭ ބަލިތައް ދެނެގަތުމާއި ބަލިތަކުން ރައްކާތެރިކުރުމާއި، ދިރުން އާލާކުރުމުގައި ތިމާވެށި ރައްކާތެރިކުރުމެވެ.
ފިޝަރީޒް މިނިސްޓްރީން ވަނީ، މި ތަމްރީނު ޕްރޮގްރާމުގައި ބައިވެރިވުމަށް ޝައުޤުވެރިވާ ފަރާތްތަކުން، 18 އޮކްޓޯބަރ 2026 ވާ ބުރާސްފަތި ދުވަހުގެ 14:00 ގެ ކުރިން، ބައިވެރިވުމަށް އެދޭ ފޯމު ފުރިހަމަ ކުރެއްވުމަށްފަހު އައިޑީ ކާޑުގެ ކޮޕީއާއެކު މޯލްޑިވްސް މެރިން ރިސާރޗް އިންސްޓިޓިއުޓަށް ހުށަހެޅުމަށް އެދިފައެވެ.
މި ޕްރޮގްރާމަށް ކަނޑައެޅިފައިވާ 15 ފުރުސަތަށްވުރެ ގިނައިން ފޯމު ހުށަހަޅާފައިވާނަމަ، ބައިވެރިން ހޮވުމުގައި އިސްކަންދޭނީ ފޯމު ހުށަހަޅާ ތަރުތީބުން ކަމަށާއި، .ކޯހުގެ މުއްދަތުގައި ބައިވެރިން ތިބުމަށް ހަމަޖެހިފައިވާނީ ކ. މަނިޔަފުށި ރިސާރޗް އެންޑް ޓްރެއިނިނގް ފެސިލިޓީގައި ކަމަށް ފިޝަރީޒް މިނިސްޓްރީން މަޢުލޫމާތު ދީފައިވެއެވެ.
މިނިސްޓްރީން އިތުރަށް ބުނީ، ކޯހުގެ ބޭނުމަށް މާލެއާއި މަނިޔަފުއްޓާ ދެމެދު ކުރާ ދަތުރުތަކާއި، ބައިވެރިންގެ ހުރުމާއި ކެއުމުގެ އިންތިޒާމް ހަމަޖައްސާނީ މެރިން ރިސާޗް އިންސްޓިޓިއުޓުން ކަމަށެވެ.
ޖުމްލަ 15 ބައިވެރިންނަށް ފުރުސަތު ހުޅުވާލާފައިވާ މި ފަންނީ ތަމްރީނު ޕްރޮގްރާމްގެ މުއްދަތަކީ 14 ދުވަސް ކަމަށް ފިޝަރީޒް މިނިސްޓްރީން މަޢުލޫމާތު ދީފައިވެއެވެ. މިކޯހުގައި ކިޔަވައި ދިނުމަށް ހަމަޖެހފައިވާ ބައިތަކަކީ، އެކްއަކަލްޗަރގެ ނިޒާމުތަކާއި، ދިރޭ ކަނާ އާލާކުރުމާއި، ފާނަ ވިއްސައި ކުދި ފާނަ ބޮޑުކުރުމާއި، ހުއިފިލަނޑާ ވިއްސައި ކުދި ހުއިފިލަނޑާ ބޮޑުކުރުމާއި، ދިވެހި މާގަނޑުމަސް ވިއްސައި ކުދިމަސް ބޮޑުކުރުމާއި، އިތާމުތް އާލާކުރުމާއި، މޫދުވިނަ (ސީވީޑް) ހައްދައި އާލާކުރުމުގެ ތިއަރީ ކިޔަވައި ދިނުމާއި، އާލާކުރާ ދިރުމަށް ޖެހޭ ބަލިތައް ދެނެގަތުމާއި ބަލިތަކުން ރައްކާތެރިކުރުމާއި، ދިރުން އާލާކުރުމުގައި ތިމާވެށި ރައްކާތެރިކުރުމެވެ.
ފިޝަރީޒް މިނިސްޓްރީން ވަނީ، މި ތަމްރީނު ޕްރޮގްރާމުގައި ބައިވެރިވުމަށް ޝައުޤުވެރިވާ ފަރާތްތަކުން، 18 އޮކްޓޯބަރ 2026 ވާ ބުރާސްފަތި ދުވަހުގެ 14:00 ގެ ކުރިން، ބައިވެރިވުމަށް އެދޭ ފޯމު ފުރިހަމަ ކުރެއްވުމަށްފަހު އައިޑީ ކާޑުގެ ކޮޕީއާއެކު މޯލްޑިވްސް މެރިން ރިސާރޗް އިންސްޓިޓިއުޓަށް ހުށަހެޅުމަށް އެދިފައެވެ.
މިނިސްޓްރީން އިތުރަށް ބުނީ، ކޯހުގެ ބޭނުމަށް މާލެއާއި މަނިޔަފުއްޓާ ދެމެދު ކުރާ ދަތުރުތަކާއި، ބައިވެރިންގެ ހުރުމާއި ކެއުމުގެ އިންތިޒާމް ހަމަޖައްސާނީ މެރިން ރިސާޗް އިންސްޓިޓިއުޓުން ކަމަށެވެ.
ކިޔުންތެރިންގެ ހިޔާލު