ސައްހަ ނޫން ޓްރާންސްފާ ސްލިޕް ފޮނުވައިގެން ތަކުރާރުކޮށް ކާތަކެތި އޯޑަރުކުރި މައްސަލައެއްގައި ހައްޔަރުކުރި ޒުވާނާގެ ބަންދަށް ކްރިމިނަލް ކޯޓުން 15 ދުވަސް ޖަހައިފިއެވެ.
މަކަރާއި ހީލަތުން ފައިސާ ހޯދުމުގެ ތުހުމަތުގައި ފުލުހުން ހައްޔަރުކޮށްފައިވަނީ ގދ. ފަރެސްމާތޮޑާ، އިރަމާގެ، އުމުރުން 23 އަހަރުގެ މުހައްމަދު ޖައުދާން އެވެ.
ކްރިމިނަލް ކޯޓުން ނެރުނު ބަންދު އަމުރުގައި ބަޔާންކޮށްފައިވާ ގޮތުގައި، ޖައުދާންގެ މައްޗަށް ކުރެވޭ ތުހުމަތަށް ބާރުދޭ އެކަށީގެންވާ ހެކި ފުލުހުން ވަނީ ކޯޓަށް ހުށަހަޅާފައެވެ. އެގޮތުން، ފޭކު ސްލިޕް ބޭނުންކޮށްގެން އޯޑަރުކުރި ކާތަކެއްޗާ ހަވާލުވެފައިވަނީ ޖައުދާންކަން ސާބިތުވާ ހެކި ލިބިފައިވާ ކަމަށްވެސް ކޯޓު އަމުރުގައި ވެއެވެ. އޭނާގެ މައްޗަށް މައިގަނޑު ގޮތެއްގައި ތުހުމަތު ކުރެވެނީ މަކަރާއި ހީލަތް ހަދައިގެން ފައިސާ ފޭރުމުގެ މައްސަލައެކެވެ.
ފަހަކަށް އައިސް ފައިސާ ދެއްކި ކަމަށް ދައްކުވައިދޭ ސައްހަ ނޫން ސްލިޕް ފޮނުވައިގެން ފިހާރަތަކުންނާއި ރެސްޓޯރެންޓްތަކުން ވިޔަފާރިކުރާ މައްސަލަތައް ވަނީ ވަރަށް ބޮޑަށް އިތުރުވެފައެވެ. އަދި މިފަދަ އަމަލުތައް ހިންގާ ގިނަ ބަޔަކު މީގެ ކުރިން ވެސް ފުލުހުންގެ ބެލުމުގެ ދަށަށް ގެންގޮސްފައިވާއިރު، މިކަމަށް ސަމާލުވުމަށް ފުލުހުން އަބަދުވެސް އިލްތިމާސްކުރެއެވެ.
ފަހަކަށް އައިސް ފައިސާ ދެއްކި ކަމަށް ދައްކުވައިދޭ ސައްހަ ނޫން ސްލިޕް ފޮނުވައިގެން ފިހާރަތަކުންނާއި ރެސްޓޯރެންޓްތަކުން ވިޔަފާރިކުރާ މައްސަލަތައް ވަނީ ވަރަށް ބޮޑަށް އިތުރުވެފައެވެ. އަދި މިފަދަ އަމަލުތައް ހިންގާ ގިނަ ބަޔަކު މީގެ ކުރިން ވެސް ފުލުހުންގެ ބެލުމުގެ ދަށަށް ގެންގޮސްފައިވާއިރު، މިކަމަށް ސަމާލުވުމަށް ފުލުހުން އަބަދުވެސް އިލްތިމާސްކުރެއެވެ.
ކިޔުންތެރިންގެ ހިޔާލު