ރައްޔިތުންގެ މަޖިލީހުގެ ރައީސް ޢަބްދުއްރަހީމް ޢަބްދުﷲ ގެ ސިއްހީ ހާލަތު ދަށްވެ ހޮސްޕިޓަލްގައި ފަރުވާދެމުން ދާކަމަށް މައުލޫމާތު ލިބިއްޖެއެވެ.

ރައްޔިތުންގެ މަޖިލީހުގެ މީޑިއާ އޮފިޝަލަކު ބައެއް ނޫސްތަކަށް ވިދާޅުވެފައިވަނީ، ޢަބްދުއް ރަހީމްގެ ސިއްހީ ހާލަތު ގޯސްވެ ހޮސްޕިޓަލްގައި ފަރުވާދެމުން ދާކަމަށެވެ. ނަމަވެސް، އޭނާގެ ހާލަތު ސީރިއަސް ނޫންކަމަށާއި މިރޭގެ ވަގުތެއްގައި ހޮސްޕިޓަލުން ދޫކޮށްލަން ހަމަޖެހިފައިވާ ކަމަށްވެސް ބުނެފައި ވެއެވެ.

މަޖިލީހުގެ މިއަދުގެ ޖަލްސާގެ ރިޔާސަތު ބެލެހެއްޓެވީ ވެސް ޢަބްދުއްރަހީމެވެ. ނަމަވެސް، އެމަނިކުފާނަކީ މީގެ ކުރިން ވެސް ހިތުގެ މައްސަލަތަކުގައި އެކި ފަހަރުމަތިން ހޮސްޕިޓަލްގައި ފަރުވާ ދީފައިވާ ބޭފުޅެކެވެ.