ރިޔާސީ އިންތިހާބުގެ ދެވަނަ ބުރުގައި ވޯޓް ދޭންވީ ޤައުމަށް ގެނެސްފައިވާ އިސްލާހީ ކުރިއެރުންތައް އަންނަން އޮތް ޖީލަށް ފޯރުކޮށްދޭން ކަމަށް ރައީސުލްޖުމްހޫރިއްޔާ އިބްރާހިމް މުހައްމަދު ސާލިހު ވިދާޅުވެއްޖެެއެވެ.

އެމަނިކުފާނު މިހެން ވިދާޅުވީ މާދަމާ އޮންނަ އިންތިހާބުގެ ކުރިން ރައްޔިތުންނަށް ދެއްވި ވީޑިއޯ މެސެޖެއްގައެވެ. މިދިޔަ 5 އަހަރު ހާސިލުކުރެވުނު ކާމިޔާބީއަށް އަލިއަޅުއްވާލައްވަމުން ރައީސް ވިދާޅުވީ ރާއްޖެއިން ބިރުވެރިކަމާއި ނާމާންކަން މުޅިން ނައްތާލެވިފައިވާ ކަމަށެވެ.

މިދިޔަ 5 އަހަރު ހާސިލުކުރެވުނު ކާމިޔާބީއަށް އަލިއަޅުއްވާލައްވަމުން ރައީސް ވިދާޅުވީ ރާއްޖެއިން ބިރުވެރިކަމާއި ނާމާންކަން މުޅިން ނައްތާލެވިފައިވާ ކަމަށެވެ. އަދި ޤައުމަށް ގެނައި ހަމަޖެހުމާއެކު، ތަރައްޤީގެ ބޮޑެތި މަސައްކަތްތަކެއް ކުރެވިފައިވާކަމަށާއި އެކަންކަމުގެ ސަބަބުން އެކި ސިނާއަތްތަކަށް ކުރިއެރުންތައް ލިިބިފައިވާކަމަސްވެސް ރައީސް ވިދާޅުވިއެވެ.

Raees @ibusolih raajjeyge emmehaa lobuvethi rayyithunaa muhaathab kurahvaa dhehvi message 3️⃣✅#Vote3EmmenEkee#KuriahKuriah#IbuAslam2023 pic.twitter.com/70ucrPpTk6

— MDP Secretariat (@MDPSecretariat) September 29, 2023

"މަސްވެރިކަމާއި ދަނޑުވެރިކަމާއި ފަތުރުވެރިކަމާއި ޓީޗަރުންނާއި ސިއްހީ ދާއިރާގައި މަސައްކަތް ކުރާ ފަރާތްތަކުގެ އިތުރުން އެހެން ސެކްޓަރުތަކުގައި މަސައްކަތް ކުރާ މީހުންގެ ދިރިއުޅުމަށް ހެޔޮ ބަދަލުތަކެއް ގެނައުމަށް ގިނަ މަސައްކަތްތަކެއް ކޮށްފައިވޭ. ރާއްޖެއަށް ހަމަޖެހުން ގެނެސްދެވިއްޖެ. އެކަން ކުރެވުނީ ވަރަށް ގިނަ ބަޔެއްގެ އެހީތެރިކަމާއެކު." އެމްޑީޕީގެ ރިޔާސީ ކެންޑިޑޭޓް ރައީސް ވިދާޅުވިއެވެ.

ރައީސް ވިދާޅުވީ އެމްޑީޕީގެ ސަރުކާރުން ރާއްޖެއަށް ގެނެސްފައިވާ ހަމަޖެހުމާއި ކުރިއެރުން އެގޮތުގައި ކުރިއަށްގެންދަން ޖެހޭކަމަށެވެ. އަދި މާދަމާ ނަގާ ވޯޓުގައި ރާއްޖެއަށް ގެނައި އިސްލާހީ ހެޔޮ ބަދަލާއި ހަމަޖެހުމާއެކު ކުރިއަށް ދިޔުމަށް ރައްޔިތުން އެމަނިކުފާނަށް ވޯޓް ދެއްވުމަށް ރައީސް ސާލިހު އެދިވަޑައިގެންނެވިއެވެ.