ރިޔާސީ އިންތިހާބުގެ ދެވަނަ ބުރުގައި ރައްޔިތުން ވޯޓު ދޭންވީ ވިސްނުން އިސްކޮށް، އަނިޔާވެރިކަމާ ދެކޮޅަށް ކަމަށް އައްޑޫ މީދޫ ދާއިރާގެ މެމްބަރު ރޮޒެއިނާ އާދަމް ވިދާޅުވެއްޖެ އެވެ.

މިދިޔަ ހޮނިހިރު ދުވަހު ބޭއްވި ރިޔާސީ އިންތިހާބުގެ ފުރަތަމަ ބުރުން ރައީސް ސާލިހަށް ލިބިވަޑައިގެންނެވި ނާކާމިޔާބީ އާއި ގުޅިގެން އައްޑޫ މީދޫ ދާއިރާގެ މެމްބަރު ރޮޒެއިނާ އާދަމް ވިދާޅުވީ ރައީސް ސޯލިހަށް ވޯޓު ދެއްވި ހުރިހާ ބޭފުޅުންނަށް ވަރަށް ބޮޑު ޝުކުރު އަދާކުރައްވާ ކަމަށާއި އެއީ ގައުމު އިސްކޮށްގެން ނިންމި ނިންމުމެއް ކަމަށެވެ.

އަދި އެކަމަނާގެ އުއްމީދަކީ ދެން ތިބި ފަރާތްތަކުން ވެސް ދެވަނަ ބުރުގައި ވިސްނުން އިސްކޮށް ކުލަޔަށް ނުބަލައި އަނިޔާވެރިކަމާ ހަމަނުޖެހުމާ ދެކޮޅަށް ވޯޓު ދެއްވުން ކަމަށް ރޮޒެއިނާ ވިދާޅުވި އެވެ.

Raees @ibusolih ah vote dhevvi hurihaa beyfulhunnah varah bodah shukuriyya. Thibeyfulhun thi nimmevee qaumu iskohgen nimmi nimmumeh. Ummeedhu kuranee dhen thibbevi beyfulhun ves 2 vana buruga visnun iskoh kulayah nubala aniyaaverikama hamanujehumaa dhekolhah vote dhevvaane kamah.

— 𝐌𝐏 𝐑𝐨𝐳𝐚𝐢𝐧𝐚 𝐀𝐝𝐚𝐦 (@Roxeyna) September 10, 2023

މިދިޔަ ހޮނިހިރު ދުވަހު ބޭއްވި ރިޔާސީ އިންތިހާބު އެމްޑީޕީގެ ރިޔާސީ ކެންޑިޑޭޓް ރައީސް އިބްރާހިމް މުހައްމަދު ސޯލިހުގެ މައްޗަށް އިދިކޮޅު ކޯލިޝަން ކެންޑިޑޭޓް ޑރ. މުޙައްމަދު މުއިއްޒު ވަނީ ކުރި ހޯއްދަވާފައެވެ. އިންތިހާބުގެ ފުރަތަމަ ބުރުގައި އެއްވެސް ކެންޑިޑޭޓަކަށް 50 ޕަސެންޓަށް ވުރެ އިތުރަށް ވޯޓު ހޯދިފައި ނުވުމުން ދެވަނަ ބުރެއް ބޭއްވުމަށް ވަނީ ނިންމާފައެވެ.