ތުރުކީގެ ރިޔާސީ އިންތިހާބު ކާމިޔާބުކުރެއްވި އެ ޤައުމުގެ ރައީސް ރަޖަބް ތައްޔިބް އުރުދުޣާން ހޯއްދެވި ކާމިޔާބީއަށް ޖުމްހޫރީ ޕާޓީގެ ލީޑަރ ގާސިމް އިބްރާހިމް މަރުހަބާ ދަންނަވައިފިއެވެ.

އުރްދުޣާނަށް މަރުހަބާ ދަންނަވައި ގާސިމް ކުރެެއްވި ޓްވީޓެއްގައި ވިދާޅުވީ އުރުދުޣާން ހޯއްދެވި ބޮޑު ކާމިޔާބީއަށް ޖުމްހޫރީ ޕާޓީގެ މެމްބަރުންގެ ނަމުގައާއި އަދި އެމަނިކުފާނުގެ އަމިއްލަ ނަންފުޅުގައި މަރުހަބާ ދަންނަވާކަމަށެވެ. އަދި އެމަނިކުފާނުގެ އެދިވަޑައިގެންނެވުމަކީ ތަރައްޤީއާއި ފާގަތިކަމުގައި ތުރުކީ ވިލާތް ކުރިއަށްދިއުންކަމަށްވެސް ގާސިމް ވިދާޅުވިއެވެ.

On behalf of the members of @JPSecretariat , I extend my sincere congratulations to President Recep Tayyip Erdoğan @RTErdogan for his decisive and indisputable victory in the election. May Turkey's journey towards progress and prosperity persist with unwavering enthusiasm and… pic.twitter.com/ajV0GJDPEr

— Qasim Ibrahim (@qasimibrahim) May 29, 2023

ތުރުކީވިލާތުގެ ރައީސް އަދި މުސްލިމު ވަރުގަދަ ޝަހުސިއްޔަތެއްކަމަށްވާ އުރުދުޣާން ރިޔާސީ އައު ދައުރަކަށް އިންތިހާބުވެވަޑައިގެންނެވީ ރިޔާސީ އިންތިޚާބުގެ ދެވަނަ ބުރު ކާމިޔާބު ކުރައްވައިގެންނެވެ.

މޭ 14 ވަނަ ދުވަހު ބޭއްވި އިންތިޚާބުގެ ފުރަތަމަ ބުރުގައި އެއްވެސް ކެނޑިޑޭޓަކަށް 50 އިންސައްތައަށް ވުރެ މަތިން ވޯޓު ލިބިފައެއް ނުވެއެވެ. އެހެންކަމުން ދެވަނަ ބުރުގައި ވާދަކުރެއްވީ އެންމެ ގިނައިން ވޯޓް ލިބުނު ދެ ކެންޑިޑޭޓުންނެވެ.

ދެވަނަ ބުރުގައި އުރުދުޣާނާ ވާދަކުރައްވާފައި ވަނީ އިދިކޮޅު 6 ޕާޓީއެއް ހިމެނޭ ކޯލިޝަންގެ ރިޕަބްލިކަން ޕީޕަލްސް ޕާޓީ (ސީ.އެޗް.ޕީ)ގެ ކެނޑިޑޭޓު ކެމާލް ކްލިޗްތަރޯލޯއެވެ.