މި އަހަރުގެ ޒުވާނުންގެ އެވޯޑު އެކި ދާއިރާތަކުން 10 ޒުވާނަކަށް ދީފިއެވެ.

ޒުވާނުންގެ އެވޯޑު ދީފައިވަނީ ގައުމީ ޒުވާނުންގެ ދުވަހާއި ގުޅުވައިގެން މިރޭ ބޭއްވި ހާއްސަ ޖަލްސާގައެވެ.

ޒުވާނުންގެ އެވޯޑު މި އަހަރު ހާސިލުކުރި ޒުވާނުން:-

- ވިޔަފާރި އާއި އިގުތިސާދުގެ ދާއިރާ: މުހައްމަދު ޖައިލަމް

- ކުޅިވަރުގެ ދާއިރާ: ނީޝާ ހަލީމް

- ދަރުމަވެރި ކަމުގެ ދާއިރާ: ފިރާޝާ މުހައްމަދު

- ޒުވާނުން ބާރުވެރި ކުރުމުގެ ދާއިރާ: އަބްދުﷲ ޝަހުނީޒް

- ދިވެހި ބަހާއި ސަގާފަތަށް ހިދުމަތް ކުރުމުގެ ދާއިރާ: އަލީ އަމީރު

- ފަންނުވެރިކަމުގެ ދާއިރާ: ޢަބްދުﷲ ޝަފީއު

- މަސްތުވާ ތަކެއްޗާއި ދެކޮޅަށް މަސައްކަތްކުރުމުގެ ދާއިރާ: އާފިރު މުހައްމަދު

- ދަނޑުވެރިކަމުގެ ދާއިރާ: އަލީ ރަޝީދު

- ވޮކޭޝަނަލް ޓްރެއިނިންގެ ދާއިރާ: އިބްރާހިމް ޝަރީފް ހަސަން

- ނެޝަނަލް ޔޫތް ވޮލަންޓިއާ ޕްރޮގްރާމްގެ ތެރެއިން ޔޫތު މިނިސްޓަރު ދެއްވާ ހާއްސަ އިނާމް: އަހްމަދު އަހްނަފް ފިރާގު



މި އެވޯޑަކީ ގައުމުގެ ކުރިއެރުމާ، މުޖުތަމައުގެ ލާބައާއި މަންފާއަށް ޒުވާނުން ކުރަމުންދާ މަސައްކަތް ފާހަގަކޮށް، ގައުމީ ފެންވަރުގައި ސަރުކާރުން ޒުވާނުންނަށް ދޭ އެންމެ ޝަރަފުވެރި އެވޯޑެވެ.

މިރޭ ބޭއްވި ޖަލްސާގައި މި އެވޯޑުތައް އެފަރާތްތަކާ ހަވާލު ކޮށްދެއްވީ ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙެވެ.

ރާއްޖޭގައި ޒުވާނުންގެ ދުވަހުގެ ގޮތުގައި ފާހަގަ ކުރަނީ 22 އޮކްޓޯބަރެވެ.