މޯލްޑިވްސް އެއަރޕޯޓްސް ކޮމްޕެނީ ލިމިޓެޑު، އެމްއޭސީއެލްގެ މެނޭޖިންގ ޑިރެކްޓަރުގެ މަޤާމަށް ހ. ރަނުވިއަ، މަޙުޖޫބް ޝުޖާޢު ހަމަޖައްސަވައިފިއެވެ.

މަޙުޖޫބު ޝުޖާއު އެމްއޭސީއެލްގެ މެނޭޖިންގ ޑިރެކްޓަރުކަމުގެ މަޤާމަށް ހަމަޖައްސަވާފައިވާކަން ޕްރައިވަޓައިޒޭޝަން އެންޑް ކޯޕްރަޓައިޒޭޝަން ބޯޑުންވެސް ވަނީ އިއުލާންކޮށްފައެވެ.

ކޯޕަރަޓައިޒޭޝަން ބޯޑުން ބުނީ މޯލްޑިވްސް އެއަރޕޯޓްސް ކޮމްޕެނީ ލިމިޓެޑް (އެމްއޭސީއެލް)ގެ ބޯޑުގެ މެންބަރުކަމާއި މެނޭޖިން ޑިރެކްޓަރުގެ މަޤާމަށް މަޙުޖޫބު ޝުޖާއު އައްޔަނުކިށްފައިވާކަމަށެވެ.

މަޙުޖޫބް ޝުޖާއު މީގެކުރިން އަދާކުރައްވާފައިވާ މަޤާމުތަކުގެ ތެރޭގައި ހައުސިން ޑިވެލޮޕްމަންޓް ކޯޕަރޭޝަން އެޗްޑީސީގެ މެނޭޖިން ޑިރެކްޓަރުގެ މަޤާމު ހިމެނެއެވެ.

މޯލްޑިވްސް އެއަރޕޯޓްސް ކޮމްޕެނީ ލިމިޓެޑުގެ ޑިރެކްޓަރުންގެ ބޯޑުގެ މެންބަރުކަމަށާއި
މެނޭޖިންގ ޑިރެކްޓަރކަމުގެ މަޤާމަށް އަލްފާޟިލް
މަޙްޖޫބް ޝުޖާޢު، ހ.ރަނުވިއަ، މިއަދު ޢައްޔަންކޮށްފީމެވެ. pic.twitter.com/RJBsAtjoVQ

— Privatization & Corporatization Board (@pcb_gov) April 18, 2022

އެމްއޭސީއެލްގެ މެނޭޖިންގ ޑިރެކްޓަރަކަށް އެންމެފަހުން ހުންނެވި ގޯޑަން އެންޑްރިއު ސްޓްވާޓް އެމަޤާމުން ވަކިކޮށްފައިވަނީ މިދިޔަ އަހަރުގެ ނޮވެމްބަރުމަހުގެ ތެރޭގައެވެ.

އެމްއޭސީއެލަށް އައު މެނޭޖިންގ ޑިރެކްޓަރެއް އައްޔަންކޮށްފައިވާއިރު، އެ ކުންފުނިން ދާދި ފަހުން ވަނީ ޑެޕިއުޓީ މެނޭޖިންގ ޑިރެކްޓަރެއްވެޘް އައްޔަން ކޮށްފައެވެ. އެގޮތުން އެމްއޭސީއެލްގެ ޑެޕިއުޓީ މެނޭޖިން ޑިރެކްޓަރުގެ މަޤާމަށް އައްޔަންކޮށްފައިވަނީ އިބްރާޙިމް ޠާޙާއެވެ. ޠާހާ ވަނީ ކުންފުނީގެ އެކްޓިން އެމްޑީގެ މަޤާމުވެސް ފުރުއްވާފައެވެ.

2018 ވަނަ އަހަރު، ކުންފުނީގެ މެނޭޖިންގ ޑިރެކްޓަރުގެ މަޤާމު ހުސްވުމާއިއެކު، އެކްޓިން މެނޭޖިންގ ޑިރެކްޓަރުގެ މަޤާމު އަދާކުރެއްވީ ކުންފުންޏަށް ދިގު މުއްދަތަކަށް ޚިދުމަތްކޮށްދެއްވި މޫސާ ޞާލިޙެވެ.