ވެކްސިންގެ ދެ ޑޯޒް ފުރިހަމަކޮށްފައިވާ ފަރާތްތަކުން އަވަހަށް ބޫސްޓަރ ޑޯސް ޖެހުމަށް ރައީސުލްޖުމްހުރިއްޔާ އިބްރާހިމް މުހައްމަދު ސާލިހު ގޮވާލައްވައިފިއެވެ.

ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު މިކަމަށް ގޮވާލެއްވީ ކޯވިޑުން ރައްކާތެރިވުމަށްޓަކައި ކުރިއަށްގެންދާ ވެކްސިން ޕްރޮގްރާމުގެ ދަށުން ޢާއްމުކޮށް ހުޅުވާލައިގެން ކޯވިޑް ވެކްސިންގެ ބޫސްޓަރ ޑޯޒް ޖަހަން މިއަދު ފެށުމާއި ގުޅިގެނެވެ.

ރައީސް ސާލިހު މިއަދު ވިދާޅުވީ މިހާރު ފެތުރެމުންދާ އޮމިކްރޯނާ ދެކޮޅަށް އޮތް އެންމެ ބޮޑު ހަތިޔާރަކީ ވެކްސިން ޖެހުންކަމަށެވެ. އަދި މިއަދު ބޫސްޓަރ ވެކްސިން ޑޯޒް ޖެހުމުގެ މަސައްކަތް ފަށާފައިވާއިރު، ވެކްސިންގެ ދެ ޑޯޒް ފުރިހަމަކޮށްފައިވާ ފަރާތްތަކުން އަވަހަށް ބޫސްޓަރ ޑޯޒް ޖެހުމަށް ރައީސުލްޖުމްހުރިއްޔާ އިބްރާހިމް މުހައްމަދު ސާލިހު އިލްތިމާސްކުރެއްވިއެވެ.

The best defense against Covid19’s Omicron variant is to boost our vaccine immunity.

Our booster vaccine program is now open to the public. If you’ve had six months pass since your second dose, please go get your booster shot now.

— Ibrahim Mohamed Solih (@ibusolih) January 15, 2022

ވެކްސިންގެ ބޫސްޓަރ ޑޯޒް ޖަހައިދެމުންދަނީ ދަމަނަވެއްޓާއި ހުޅުމާލޭ ހޮސްޕިޓަލާއި ސެނަހިޔާ ހޮސްޕިޓަލާއި ދަރުބާރުގެއިންނެވެ. މިހާރުވެސް އޮންނަގޮތަށް ވެކްސިން ޖަހައިދެނީ އެޕޮެއިންޓްމަންޓް ހައްދައިގެންނެވެ.

މުޅި ރާއްޖެއަށް ހުޅުވާލައިގެން ކުރިއަށްގެންދާ ވެކްސިން ޕްރޮގްރާމްގެ ދަށުން ވެކްސިން ޖަހަންޖެހޭ އާބާދީއަށް ނިސްބަތްވާ ހުރިހާ މީހުން ވެކްސިން ޖެހުމަށް އެޗްޕީއޭއިން އިލްތިމާސްކުރެއެވެ.