އެމްޑީޕީގެ މެމްބަރޝިޕް ލިސްޓުގައި އެހެން ޕާޓީތަކުގެ މެންބަރުން ތިބިކަމަށް އައްޑޫ މީދޫ ދާއިރާގެ މެންބަރު، ރޮޒައިނާ އާދަމް ވިދާޅުވުމާ ގުޅިގެން ތޮއްޑޫ ދާއިރާގެ ރައްޔިތުންގެ މަޖިލީހުގެ މެންބަރު ޙަސަން ޝިޔާން (ގިޓާ) އެކަމަށް ރައްދު ދެއްވައިފިއެވެ.

އެމްޑީޕީގެ ޤައުމީ މަޖިލީހުގެ އިންތިޚާބު ބޯމަތިވެފައި ވަނިކޮށް، އެމްޑީޕީގެ މެންބަރޝިޕް ލިސްޓުގައި އެހެނިހެން ޕާޓީތަކުގެ މެންބަރުން ތިބިކަމުގެ ކަންބޮޑުވުން ފާޅުކުރަށްވައި މެންބަރު ރޮޒައިނާ ވިދާޅުވީ، އެމްޑީޕީގެ މެންބަރޝިޕް ލިސްޓުގައި އައްޑޫ މީދޫ ޕީޕީއެމް ކައުންސިލަރެއްގެ ނަންވެސް އެބައޮތް ކަމަށާއި، އަދި އެއީ ޖޯކެއް ކަމަށެވެ.

މެންބަރު ރޮޒައިނާއަށް ރައްދު ދެއްވަމުން ޝިޔާން ވިދާޅުވީ، ރޮޒޭނާގެ ކަންބޮޑުވުންތަކުން ހާމަވެގެންދިޔައީ ޕާޓީގެ ކަންތައްތަކަށް ރޮޒައިނާ އަހަމިއްޔަތުކަން ދެއްވާ މިންވަރު ކަމަށެވެ.

"ކަމަނާ އަކީ މެންބަރޝިޕް ކޮމިޓީގެ މެންބަރެއް." ރޮޒައިނާއަށް ރައްދު ދެއްވަމުން ޝިޔާން ވިދާޅުވިއެވެ.

Kamanaa akee Membership Comityge member aei comity member membershipge kankan olhun nufilaa othumakee partyge masakathah dheivaa ahamiyathukan haamavaa kamei 🤭 https://t.co/K2UvrapHpE

— Hassan Shiyan - gita 🎈❓ (@HassanShiyaan) September 19, 2021

އެމްޑީޕީގެ އެތެރޭގެ އިންތިހާބު ބޭއްވުމަށް ނިންމާފައި ވަނީ މި މަހުގެ 25 ވަނަ ދުވަހު އެވެ. އެ އިންތިޚާބުގައި ނުވަދިހަ ދެހާހަށްވުރެ ގިނަ މީހުންނަށް ވޯޓު ލުމުގެ ޙައްޤު ލިބިގެންވާކަމަށް އެމްޑީޕީން ވަނީ ބުނެފައެވެ. އެމްޑީޕީން މީގެ ކުރިން ވަނީ ވޯޓިން ލިސްޓަށް ޝަކުވާ ހުށައެޅުމުގެ ފުރުސަތު ހުޅުވާލާފައެވެ.

އަދި މިހާރު ޢާއްމު ކޮށްފައިވާ ލިސްޓަކީ ހުށައެޅުނު ޝަކުވާތަކަށް ބެލުމަށްފަހު އެކުލަވާލާފައިވާ ލިސްޓެކެވެ.