މިއަހަރުގެ ރަމަޟާން މަހުގެ ފަހު 15 ގައި ޢުމްރާއަށް ގެންގޮސްދޭނެ ކަމަށް ބުނެ، އަމިއްލަ ގްރޫޕަކުން ގިނަ ބައެއްގެ އަތުން ފައިސާ ނެގުމަށްފަހު ޢުމްރާއަށް ގެންގޮސްފައިނުވާ މައްސަލައެއް ފެންމަތިވެފައި ވަނިކޮށް، އޭގެ ތެރެއިން 28 މީހަކަށް މޯލްޑިވްސް ހައްޖު ކޯޕަރޭޝަނުން ޖާގަ ދީފިއެވެ.
'އަލް އަބްރާރު ޕްރައިވެޓް ލިމިޓެޑް' ނަމަކަށް ކިޔާ މި ގްރޫޕުން ރަމަޟާން މަހުގެ ފަހު ދިހައެއްގައި ޢުމްރާއަށް ގެންގޮސްދޭނެ ކަމަށް ބުނެ 110 މީހުންގެ އަތުން ވަނީ 45،000 ރުފިޔާގެ މަގުން ފައިސާ ނަގާފައެވެ. ނަމަވެސް، ފުރުން ކުއްލިއަކަށް ކެންސަލްކުރީ މެދުއިރުމަތީގެ ޙާލަތުގެ ސަބަބުން ކަމަށްބުނެ އިއްޔެ ރޭގެ ވަގުތެއްގައެވެ. އެ ގްރޫޕާ އެކު 110 މީހުން އުމްރާއަށް ފުރަން ހަމަޖެހިފައި އޮތީ ރޭގައެވެ.
މި މައްސަލައާ ގުޅިގެން، އިއްޔެ ހަވީރުގެ ވަގުތެއްގައި ހައްޖު ކޯޕަރޭޝަނުން ވަނީ އޭގެ ތެރެއިން 28 މީހަކަށް ޖާގަ އޮތް މިންވަރުން ފުރުޞަތު ދީފައެވެ. ހައްޖު ކޯޕަރޭޝަނުން ވަނީ އެ ފަރާތްތަކަށް ވިސާ ހަމަޖައްސައި، މައްކާ އަދި މަދީނާއިން އެކޮމޮޑޭޝަނާއި، ކެއިންބުއިމާއި ދަތުރުފަތުރުގެ ހުރިހާ އިންތިޒާމެއް ހަމަޖައްސައިދީފައެވެ. މި 28 މީހުން މިއަދު ހެނދުނު މޯލްޑިވިއަންގެ ފްލައިޓެއްގައި ވަނީ ސައުދީ އަރަބިއްޔާއަށް ފުރާފައެވެ.
މީގެ އިތުރުން، 'ޓްރެވަލާ ގްރޫޕް' ގެ ފަރާތުން ވެސް ވަނީ މި މައްސަލައިގައި ހިމެނޭ 21 މީހަކަށް ޢުމްރާއަށް ދިއުމުގެ މަގު ފަހިކޮށްދީފައެވެ. އެ ގްރޫޕުން ބުނި ގޮތުގައި، ރޭ ދަންވަރުގެ ވަގުތެއްގައި ބަޔަކު ޖާގައަށް އެދުމުން، ވަގުތުން ވަގުތަށް 21 މީހަކަށް ވިސާ ޖަހައިދީ، ރޭ ފަތިހުގެ ވަގުތެއްގައި އެ މީހުން ވަނީ ސައުދީއަށް ފުރާފައެވެ.
މަޢުލޫމާތު ލިބިފައިވާ ގޮތުގައި އަލް އަބްރާރު ގުރޫޕުން މިހާރުވަނީ އެފަރާތްތަކަށް ރިފަންޑު ދޭން ފަށައިފައެވެ. އެ ގޮތުން، ޓިކެޓަށްވާ 15،000 ރުފިޔާ ކެނޑުމަށްފަހު، އެ މީހަކު ދެއްކި އަދަދަކަށް ބަލައި ބާކީ ފައިސާ ރޭ ޖަމާކުރަން ވަނީ ފަށާފައެވެ. އަދި، ޓިކެޓް ފައިސާ ވެސް ފަހުން ޖަމާކޮށްދޭނެކަމުގެ ޔަގީންކަން އެ ގްރޫޕުން ވަނީ ދީފައެވެ.
މި މައްސަލަ އިސްލާމިކް މިނިސްޓްރީއާއި ފުލުހުން ވެސް ގެންދަނީ ބަލަމުންނެވެ.
މި މައްސަލައާ ގުޅިގެން، އިއްޔެ ހަވީރުގެ ވަގުތެއްގައި ހައްޖު ކޯޕަރޭޝަނުން ވަނީ އޭގެ ތެރެއިން 28 މީހަކަށް ޖާގަ އޮތް މިންވަރުން ފުރުޞަތު ދީފައެވެ. ހައްޖު ކޯޕަރޭޝަނުން ވަނީ އެ ފަރާތްތަކަށް ވިސާ ހަމަޖައްސައި، މައްކާ އަދި މަދީނާއިން އެކޮމޮޑޭޝަނާއި، ކެއިންބުއިމާއި ދަތުރުފަތުރުގެ ހުރިހާ އިންތިޒާމެއް ހަމަޖައްސައިދީފައެވެ. މި 28 މީހުން މިއަދު ހެނދުނު މޯލްޑިވިއަންގެ ފްލައިޓެއްގައި ވަނީ ސައުދީ އަރަބިއްޔާއަށް ފުރާފައެވެ.
މި އަހަރުގެ ބަރަކާތްތެރި رَمَضَان މަހު ޢުމްރާގެ އަޅުކަމަށް ގެންދާނެ ކަމަށް ބުނެ އަމިއްލަ ޢުމްރާ ގްރޫޕަކުން ގިނަ ބައެއްގެ އަތުން ފައިސާ ނެގުމަށްފަހު ޢުމްރާގެ އިންތިޒާމުތައް ހަމަޖައްސާފައި ނުވާތީ އިއްޔެ ހަވީރުގެ ވަގުތެއްގައި މީގެ ތެރެއިން ގިނަ ބައެއްގެ އެދިލެއްވުމުގެމަތިން…
— Mohamed Shakeel 🇲🇻 (@schakyyl) March 4, 2026
މީގެ އިތުރުން، 'ޓްރެވަލާ ގްރޫޕް' ގެ ފަރާތުން ވެސް ވަނީ މި މައްސަލައިގައި ހިމެނޭ 21 މީހަކަށް ޢުމްރާއަށް ދިއުމުގެ މަގު ފަހިކޮށްދީފައެވެ. އެ ގްރޫޕުން ބުނި ގޮތުގައި، ރޭ ދަންވަރުގެ ވަގުތެއްގައި ބަޔަކު ޖާގައަށް އެދުމުން، ވަގުތުން ވަގުތަށް 21 މީހަކަށް ވިސާ ޖަހައިދީ، ރޭ ފަތިހުގެ ވަގުތެއްގައި އެ މީހުން ވަނީ ސައުދީއަށް ފުރާފައެވެ.
މި މައްސަލަ އިސްލާމިކް މިނިސްޓްރީއާއި ފުލުހުން ވެސް ގެންދަނީ ބަލަމުންނެވެ.
ކިޔުންތެރިންގެ ހިޔާލު