ފެނަކަ ކޯޕަރޭޝަނުން މ. ނާލާފުށީގައި ޤާއިމްކުރި އައު އިންޖީނުގެއާއި އޮފީސް އިމާރާތް ހުޅުވައިފިއެވެ.

ނާލާފުށީ އިންޖީނުގެއާއި ފެނަކައިގެ އޮފީސް އިމާރާތް ހުޅުވައިދެއްވީ މ.އަތޮޅަށް ކުރައްވަމުން ގެންދަވާ ކެމްޕެއިން ދަތުރުފުޅުގެ ތެރެއިން ރައީސުލްޖުމްހޫރިއްޔާ އިބްރާހިމް މުހައްމަދު ސާލިހެވެ.

ފެނަކައިގެ އައު އިންޖީނުގެ ހުޅުވުމަށް ބޭއްވި ރަސްމިއްޔާތުގައި ފެނަކައިގެ މެނޭޖިންގ ޑިރެކްޓަރ އަހުމަދު ސައީދާއި ޕްލޭނިންގ މިނިސްޓަރ މުހައްމަދު އަސްލަމްގެ އިތުރުން މުލަކު ދާއިރާގެ މަޖިލިސް މެމްބަރާއި އެ ރަށުގެ ގިނަ އަދަދެއްގެ ރައްޔިތުން ބައިވެރިވިއެވެ.

President @ibusolih inaugurated the new power house and @teamfenaka Office on M. Naalaafushi Island today. The administration is upgrading power houses and strengthening electricity services across the country as part of a larger effort to improve infrastructure in Maldives. pic.twitter.com/XHEFdy2Xv3

— The President's Office (@presidencymv) July 15, 2023

ނަލާފުށީގައި އައު އިންޖީނުގެއެއް ހުޅުވިގެންދިޔައިރު މިދިޔަ 23 އަހަރު އެރަށުގައި ހިންގަމުންދިޔައީ ގެދަބުޅި އިންޖީނުގެއެކެވެ. އެތަން ހިންގަމުން ދިޔައީ މީހުން އުޅޭ ގެތަކުގެ ތެރޭގައިކަމުން ރައްޔިތުންނަށް އެކަމުގެ ސަބަބުން އޮތީ ތަކުލީފުތައް ކުރިމަތިވެފައެވެ. އެހެންކަމުން އަލަށް ހުޅުވިގެންދިޔަ އިންޖީނުގޭގެ ސަބަބުން އެރަށުގެ ރައްޔިތުންނަށް ވަރަށް ބޮޑު ފަސޭހަތަކެއް ލިބިގެންދާނެކަމަށް ފެނަކައިން ބުނެއެވެ.

ފެނަކަ ކޯޕަރޭޝަނުން ދަނީ އެކުންފުނީން ގެންދަވަނީ ރަށްރަށުގައި ހުރި ދުވަސްވީ ބައު އިންޖީނުގެތައް މީހުން ދިރިއުޅޭ ސަރަހައްދުތަކާއި ދުރަށް ބަދަލުކޮށް ޒަމާނީ އިންޖީނުގެތަކަށް ބަދަލުކުރުމުގެ މަސައްކަތް ކުރައްވަމުންނެވެ.