ކުރިއަށް އޮތް ރިޔާސީ އިންތިހާބުގެ ކެމްޕެއިނަށް މާލެ އަތޮޅުގެ ރަށްތަކަށް ކުރައްވާ ކެމްޕެއިން ދަތުރުފުޅުގެ ތެރެއިން ރައީސް އިބްރާޙިމް މުހައްމަދު ސާލިހު މާފުއްޓަށް މިއަދު ވަޑައިގަތުމުން ސަގާފީ ކުޅިވަރުތަކާއެކު އެމަނިކުފާނަށް ހޫނު މަރުހަބާއެއް ދަންނަވައިފިއެވެ.

ރައީސް ސާލިހު މާފުއްޓަށް ވަޑައިގެންނެވީ މާލެ އަތޮޅު ގުޅި އަދި ގުރައިދޫއަށް ވަޑައިގެންނެވުމަށްފަހުއެވެ.

މާފުއްޓަށް ވަޑައިގަތުމުން އެ ރަށުގެ ކުދި ބޮޑު ގިނަ ބަޔަކު ނިކެމެ ވަނީ އެ މަނިކުުފާނަށް ވަރަށް ހޫނު މަރުހަބާއެއް ދަންނަވާފައެވެ.

ރައީސް ސާލިހަށް މަރުހަބާ ދެންނެވުމުގެ ގޮތުން ބޭއްވި ހަރަކާތްތަކުގެ ތެރެއިން ސަގާފީ ކުޅިވަރުތައްވެސް ފެނިގެންދިޔައެވެ.

މިޕާޓީގެ ރިޔާސީ ކެންޑިޑޭޓް ރައީސް @ibusolih ކ.މާފުއްޓަށް ވަޑައިގަތުމުން ހޫނު މަރުޚަބާއެއް ދަންނަވައި.

ރިޔާސީ އިންތިޚާބުގެ ކެމްޕެއިން އަށް ރައީސް @ibusolih މާލެ އަތޮޅު ގުޅި، ގުރައިދޫ އަދި މާފުއްޓަށް ކުރައްވަމުން ގެންދަވާ ދަތުރުފުޅު.

#Ibu2023
#VoteMDP
#UfaaveriAmaanRaajje pic.twitter.com/K7Ekudt3s7

— MDP Secretariat (@MDPSecretariat) July 13, 2023

ފާހަގަކޮށްލެވޭ ގޮތުގައި މާފުއްޓަކީ ރައީސް ސާލިހަށް ވަރަށް ބޮޑު ތާއީދެެއް އޮންނަ ރަށެކެވެ. އެ މަނިކުފާނުގެ ޒައާމަތުގައި މާފުށީގެ ތަރައްޤީގެ ގިނަ މަސައްކަތްތަކެއް ވަނީ ކުރިއަށް ގެންގޮސްފައެވެ. އޭގެތެރޭގައި ބިން ހިއްކުމާއި، ފެނާއި ނަރުދަމާއާއި ކަރަންޓް އަޕްގްރޭޑްކުރުންވެސް ހިމެނެއެވެ.