ސަރުކާރުގެ ޚިދުމަތްތައް ފަސޭހަކަމާއެކު ފޯރުކޮށްދިނުމަށް ތަރައްޤީކޮށްފައިވާ ޑިޖިޓަލް ޕްލެޓްފޯމް، "ވަންގަވް" މާދަމާ ލޯންޗުކުރާނެކަމަށް ސަރުކާރުން ބުނެފިއެވެ.

"ވަންގަވް" އަކީ ބޭނުން ވަގުތެއްގައި، ބޭނުން ތަނެއްގައި ހުރެގެން ފަސޭހަކަމާއިއެކު ސަރުކާރުގެ ހިދުމަތްތަކަށް ޑިޖިޓަލްކޮށް އެދެވޭނެ ޕްލެޓްފޯމެކެވެ.

ޕްލޭނިންގ މިނިސްޓްރީން މިއަދު ބުނީ ސަރުކާރުންދޭ ޚިދުމަތްތައް ފަސޭހަކަމާއެކު ޑިޖިޓަލްކޮށް ރައްޔިތުންނަށް ފޯރުކޮށްދިނުމަށްޓަކައި ގާއިމްކުރެވިފައިވާ ޕްލެޓްފޯމް "ވަންގަވް" މާދަމާ ލޯންޗްކުރުމަށް ހަމަޖެހިފައިވާކަމަށެވެ.

ސަރުކާރުންދޭ ޚިދުމަތްތައް ފަސޭހަކަމާއެކު ޑިޖިޓަލީ ރައްޔިތުންނަށް ފޯރުކޮށްދިނުމަށްޓަކައި ގާއިމްކުރެވިފައިވާ ޕްލެޓްފޯމް "ވަންގަވް" 10 ޖުލައި 2023 ވާ ހޯމަ ދުވަހު ލޯންޗްކުރުމަށްވަނީ ކަނޑައެޅިފައެވެ.

— Min.of National Planning, Housing & Infrastructure (@MoNPHImv) July 9, 2023

ސަރުކާރުންދޭ ހިދުމަތްތައް ފަސޭހަކަމާއިއެކު ރައްޔިތުންނަށް ފޯރުކޮށްދިނުމަށްޓަކައި ގާއިމްކުރެވިފައިވާ ޕްލެޓްފޯމެއްކަމަށްވާ ވަންގަވް ތައްޔާރުކުރެވިފައިވަނީ ރައްޔިތުންނާއި ވިޔަފާރިތަކާއި ރާއްޖޭގައި ދިރިއުޅޭ އެންމެހާ ފަރުދުންނަށް އަވަސްކަމާއިއެކު ހިދުމަތްތައް ފޯރުކޮށްދިނުމަށެވެ.

މާދަމާ މި ހިދުމަތް މި ލޯންޗުކުރާއިރު ބައެއް މިނިސްޓްރީތަކާއި ކައުންސިލްތަކުން ފޯރުކޮށްދޭ ހިދުމަތްތައް މި ޕްލެޓްފޯމުން ލިބޭނެއެވެ.