ސިވިލް ކޯޓުން ހުސްވެފައިވާ ގާޒީކަމުގެ 2 މަގާމަށް 17 ބޭފުޅަކު ކުރިމަތިލައިފިއެވެ.

ސިވިލް ކޯޓުގެ ގާޒީކަމުގެ މަގާމަށް ކުރިމަތިލުމުގެ ފުރުސަތު ހުޅުވާލީ މިދިޔަ މަހުގެ 24 ވަނަ ދުވަހުއެވެ. އަދި އެކަމަށް ކުރިމަތިލުމުގެ ފުރުސަތު މިއަދު ވަނީ ހަމަވެފައެވެ.

ޖުޑިޝަލް ސަރވިސް ކޮމިޝަނުން ބުނީ ސިވިލް ކޯޓުގެ ޤާޟީކަމުގެ 2 މަގާމަށް ހުޅުވާލި ފުރުސަތުގައި 17 މީހަކު ކުރިމަތިލާފައިވާ ކަމަށެވެ.

ސިވިލް ކޯޓުގެ ޤާޟީކަމަށްް ކުރިމަތިލެއްވި ބޭފުޅުން:-

1. ޢަލީ ނަޞީރު / ގާޑެނިޔާވިލާ، ބ.ކިހާދޫ

2. ޢަބްދުﷲ ޒާހިރު / ދަފްތަރު، ނަންބަރު ރސ 9175، ކ.މާލެ

3. މުޙައްމަދު ވިދާން ޝާކިރު / ހ.ހުދުފިނިފެންމާގެ، ކ.މާލެ

4. ޢަލީ ނަދީމް / ހ.ގްލޯރިއޯސާ 2، ކ.މާލެ

5. ނަފީލު މުޙައްމަދު / ލަކީހޯމް، ގއ.ދާންދޫ

6. ސިނާން ޢަލީ / ސަންޑަލްވޫޑް، ގދ.ފިޔޯރީ

7. އަޙްމަދު މަޢުޞޫމް / ހަވީރީމަންޒިލް، ލ.މާބައިދޫ

8. ރުޝްދުﷲ އިބްރާހީމް / ޖަވާހިރުމާގެ، ބ.މާޅޮސް

9. ޢަބްދުﷲ އިޙްސާން / ސައިފަތްމާގެ، ސ.ހިތަދޫ

10. ފަތުޙުﷲ ޖަމީލް މޫސާ / ނަލަމަލަ، ލ.މާވަށް

11. ފައިޞަލް އާދަމް / ދެތަނޑިމާގެ، ހދ.ފިނޭ

12. އާދަމް ޛާލިފް / އޯކިޑުމާގެ، ގއ.ގެމަނަފުށި

13. މަރްޔަމް ޝާނީ / ސަނދުބަރަކާގެ، ހއ.ދިއްދޫ

14. އުއްމުކުލްޘޫމް އަބޫބަކުރު / ރަނައުރާގެ، ބ.ހިތާދޫ

15. އާމިނަތު ޒިދުނާ / ހުޅުމާލެ. ގޯތި 10654 ގެ އޭ-01 ފްލެޓް

16. ޙަސަން ޝަމާމް / ކޮށިތެރޭގެ، ހއ.އިހަވަންދޫ

17. އާމިނަތު ރައިޝަމް / ނިއުފްލާވަރ، ގއ.ގެމަނަފުށި

މި މަޤާމުގެ އަސާސީ މުސާރައަކީ، މަހަކު 30،000 ރުފިޔާއެވެ. ލިވިންގ އެލަވަންސްގެ ގޮތުގައި 15،000 ރުފިޔާ އަދި ރިސްކު އެލަވަންސްގެ ގޮތުގައި މަހަކު 1،650 ރުފިޔާ ލިބޭނެއެވެ. މީގެއިތުރުން މެޑިކަލް އިންޝުއަރެންސް ރައްޔިތުންގެ މަޖިލީހުން ކަނޑައަޅާފައިވާ ގޮތުގެ މަތިން ލިބޭނެއެވެ.

ސިވިލް ކޯޓުގެ ޤާޟީކަމަށް ކުރިމަތިލުމުގެ ފުރުސަތު ޖޭއެސްސީން ހުޅުވާލީ އެކޯޓުގެ އިސްޤާޟީއަކަށް ހުންނެވި އަބްދުﷲ އަލީ ރިޓަޔާކުރެއްވުމުންނާއި ޤާޟީގެ މަގާމުގައި ހުންނެވި ޒުބައިރު މުހައްމަދު އިސްތިއުފާދެއްވުމާއި ގުޅިގެންނެވެ.