ސިވިލް ކޯޓުގެ ޤާޟީކަމުގެ މަގާމަށް 8 ފަރާތަކުން ކުރިމަތިލައިފިއެވެ.

ސިވިލް ކޯޓުގެ ޤާޟީކަމުގެ މަގާމަށް ކުރިމަތިލުމަށް ޖުޑިޝަލް ސާވިސް ކޮމިޝަން (ޖޭއެސްސީ) އިން ހުޅުވާލީ މިމަހުގެ 15 ވަނަ ދުވަހުއެވެ.

ޖޭއެސްސީން އިއްޔެ ވަނީ އެކަމަށް ހުޅުވާލި ފުރުސަތުގައި ކުރިމަތިލެއްވި 8 ބޭފުޅުންގެ ނަންތައް ހާމަކުރައްވާފައެވެ.

ސިވިލްކޯޓުގެ ޤާޒީކަމަށް ކުރިމަތި ލެއްވި ބޭފުޅުން:-

1. ޢަލީ ނަޞީރު / ގާޑެނިޔާވިލާ، ބ.ކިހާދޫ

2. ޢަބްދުﷲ ޒާހިރު / ދަފްތަރު، ނަންބަރު ރސ 9175، ކ.މާލެ

3. މުޙައްމަދު ވިދާން ޝާކިރު / ހ.ހުދުފިނިފެންމާގެ، ކ.މާލެ

4. އާދަމް ޛާލިފް / އޯކިޑުމާގެ، ގއ.ގެމަނަފުށި

5. ޢަލީ ނަދީމް / ހ.ގްލޯރިއޯސާ 2، ކ.މާލެ

6. ނަފީލު މުޙައްމަދު / ލަކީހޯމް، ގއ.ދާންދޫ

7. ސިނާން ޢަލީ / ސަންޑަލްވޫޑް، ގދ.ފިޔޯރީ

8. އަޙްމަދު މަޢުޞޫމް / ހަވީރީމަންޒިލް، ލ.މާބައިދޫ

މި 8 ބޭފުޅުންގެ ތެރެއިން ސިވިލް ކޯޓުގެ ގާޒީކަމަށް އައްޔަންކުރާނީ ދެ ފަނޑިޔާރެކެވެ.

ސިވިލް ކޯޓަށް ގާޒީއަކު ހޯދަން އިއުލާން ކޮށްފައިވަނީ އެކޯޓުގެ އިސް ފަނޑިޔާރު ޢަބްދުﷲ އަލީ ފަޑިޔާރުކަމުގެ މަޤާމުން ރިޓަޔަރ ކުރެއްވުމާއި ގުޅިގެނެވެ.