ޕެންޝަން ފަންޑުން ގޯތި ގަނެ، އެހެން ގްރޫޕްތައް މެދުވެރިކޮށް ހައްޖަށް ދެވޭނެ އިންތިޒާމް ހަމަޖައްސައިދޭން ވާނެކަމަށް އެމްއެންޕީގެ ޑެޕިއުޓީ ލީޑަރު އަހުމަދު ޝަރީފް ވިދާޅުވެއްޖެއެވެ.

ޝަރީފް މިއަދު ވިދާޅުވީ ޕެންޝަން ފަންޑުގެ ފައިސާއިން ހައްޖަށްދާން ބޭނުންވާ މީހާއަށް ހައްޖަށް ދެވޭނެ މިހާރު އޮތް ހަމަ އެކަނި ގޮތަކީ ސަރުކާރުގެ ހައްޖު ކޯޕަރޭޝަން މެދުވެރިކޮށްކަމަށެވެ. ނަމަވެސް އެތަނުގެ ކިޔޫ ދިގުކަމުން ފުރުސަތެއް ނުލިބި މަޑުކުރަންޖެހޭކަމަށާއި، އެހެންކަމުން ޕެންޝަން ފައިސާއިން އެހެން ހައްޖު ގުރޫޕްތައް މެދުވެރިކޮށް ހައްޖަށް ދެވެންވާނެކަމަށް ޝަރީފް ވިދާޅުވިއެވެ.

ޕެންޝަން ފަންޑު ފައިސާއިން ހައްޖައްދާން ބޭނުންވާ މީހާ އަށް ހައްޖަށް ދެވޭނެ ހަމަ އެކަނި ގޮތަކީ ސަރުކާރުގެ ހައްޖު ކޯޕަރޭޝަން މެދުވެރިކޮށް، ނަމަވެސް އެތަނުގެ ކިޔޫ ދިގުކަމުން ފުރުސަތެއް ނުލިބި މަޑުކުރަންޖެހެނީ، ޕެންޝަން ފައިސާއިން އެހެން ހައްޖު ގުރޫޕްތަށް މެދުވެރިކޮށް ދެވެންވާނެ

— Ahmed Shareef (@shar_f) August 26, 2022

ޝަރީފް ވިދާޅުވީ ‏މިހާރު ހަމަޖެހިފައިވާ އުސޫލުން، ޕެންޝަން ފައިސާއިން ބޯހިޔާވަހިކަމަށް ފައިސާ ދޫކުރެވެނީ ހަމައެކަނި ގުރޭޓާ މާލެ ސަރަހައްދުން ފުލެޓް ގަތުމަށްކަމަށެވެ. ނަމަވެސް އަތޮޅުތަކުގައި ދިރިއުޅެން ބޭނުންވާ މީހާއަށް އޭނާގެ ގެދޮރު އިމާރާތްކޮށް އާއިލާއަށް ބޯހިޔާވަހިކަން އިތުރުކުރުމަށް ފަންޑުން ފައިސާ ދޫކުރެވެންވާނެކަމަށް ޝަރީފް ވިދާޅުވިއެވެ.

މިހާރު ހަމަޖެހިފައިވާ އުސޫލުން،ޕެންޝަން ފައިސާއިން ބޯހިޔާވަހިކަމަށް ފައިސާ ދޫކުރެވެނީ ހަމައެކަނި ގުރޭޓާ މާލެސަރަހައްދުން ފުލެޓްގަތުމަށް،އަތޮޅުތަކުގައި ދިރިއުޅެން ބޭނުންވާ މީހާއަށް އޭނާގެ ގެދޮރު އިމާރާތް ކޮށް އާއިލާއަށް ބޯހިޔާވަހިކަން އިތުރުކުރުމަށް ފަންޑުން ފައިސާ ދޫކުރެވެންވާނެ

— Ahmed Shareef (@shar_f) August 26, 2022

ޕެންޝަން ފަންޑުން ހައްޖަށް ދެވުނަސް، ހައްޖަށް ދެވޭނީ ސަރުކާރުގެ ހައްޖު ކޯޕަރޭޝަން މެދުވެރިކޮށެވެ. އެހެންކަމުން ހައްޖު ކޯޕަރޭޝަން މެދުވެރިކޮށް ހައްޖަށް ދިއުމަށް ގިނަ ބަޔަކު ކިޔޫގައި ތިބޭތީ ކުރިއަށް އޮތް 3 ނުވަތަ 4 އަހަރަށް ލިސްޓުތައް އޮތީ ފުރިފައެވެ. މިއީ ގިނަ ބަޔަކު ކަންބޮޑުވުން ފާޅުކުރަމުންދާ މައްސަލައެއްކަން ފާހަގަކޮށްލެވެއެވެ.