އައްޑޫ ސިޓީ ކައުންސިލުން އިންޑިއާ ސަފީރާއެކު މަޝްވަރާތަކެއް ބާއްވައިފިއެވެ.

މިމަޝްވަރާތައް ބާއްވާފައިވަނީ އައްޑޫ ސިޓީ ކައުންސިލުގެ މެމްބަރުން މާލެއަށް މިހާރު ކުރައްވަމުން ގެންދަވާ ދަތުރުގެ ތެރެއިން އިންޑިޔާގެ ހައިކޮމިޝަނުގައި ބޭއްވި ބައްދަލުވުމުގައެވެ.

މިބައްދަލުވުމުގައި ‏އައްޑޫ ސިޓީގައި އިންޑިއާގެ ހިލޭ އެހީގެ ދަށުން ކުރިޔަށް ގެންދެވޭ މަޝްރޫޢުތަކާއި، އައްޑޫސިޓީ ކައުންސިލްގެ މަވައްޒަފުންނަށް އިތުރު ތަމްރީނާއި މަތީތަޢުލީމުގެ ފުރުސަތު ހޯދުމާއި ގުޅޭ ގޮތުން މަޝްވަރާކުރެވުނެވެ.

އައްޑޫސިޓީ ކައުންސިލުން ރައްޔިތުންނަށް ދެމުންދާ ހިދުމަތްތައް ފުރިހަމަކޮށް ހިދުމަތް ދިނުމުގައި ދިމާވެފައިވާ ދަތިތަކަށް ހައްލުހޯދުމަށް ސަރުކާރުގެ އިދާރާތަކާއި ކަމާއިގުޅޭ މުއައްސަސާތަކާއި މަޝްވަރާ ކުރުމަށް ކުރައްވާ ދަތުރުގައި އިންޑިއާ ހައިކޮމިޝަން އާއި އެކު މިއަދު ބޭއްވުނު
1/3 pic.twitter.com/2nJ48Pf4JN

— Addu City Council (@AdduCityCouncil) August 20, 2022

މީގެއިތުރުން، އައްޑޫސިޓީގައި ޤާއިމްކުރާ އިންޑިއާގެ އެމްބަސީގެ މަސައްކަތުގެ އިތުރުން އައްޑޫސިޓީ ކައުންސިލާއި އިންޑިއާ ސަރުކާރާއި ގުޅިގެން މަސައްކަތް ކުރެވޭނެ ދާއިރާ ތަކާއި ގުޅޭގޮތުން ދެފަރާތުގެ މެދުގައި ފުޅާ ދާއިރާއެއްގައި މަޝްވަރާ ކުރެވިފައިވާކަމަށް ސިޓީ ކައުންސިލުން ބުނެއެވެ.

އައްޑޫ ސިޓީ ކައުންސިލުގެ މެމްބަރުން މާލެއަށް ކުރައްވާ މި ދަތުރަކީ އައްޑޫ ސިޓީ ކައުންސިލުން ރައްޔިތުންނަށް ދެމުންދާ ހިދުމަތްތައް ފުރިހަމަކޮށް ހިދުމަތް ދިނުމުގައި ދިމާވެފައިވާ ދަތިތަކަށް ހައްލުހޯދުމަށް ސަރުކާރުގެ އިދާރާތަކާއި ކަމާއިގުޅޭ މުއައްސަސާތަކާއި މަޝްވަރާ ކުރުމަށް ކުރައްވާ ދަތުރެކެވެ.