މިދިޔަ ހަފްތާގައި ރާއްޖެއިން ކޯވިޑަށް ޕޮޒިޓިވްވީ 98 މީހުންކަމަށް ތަފާސް ހިސާބުތަކުން ދައްކައިފިއެވެ.

އެވްޕީއޭހެ ތަފާސް ހިސާބުތައް ދައްކާގޮތުން މިމަހުގެ 7އިން 13އަށް ރާއްޖެއިން ކޯވިޑަށް ޕޮޒިޓިވްވި 98 މީހުންގެ ތެރޭގައި ހިމެނެނީ މާލޭ ސަރަޙައްދުން ޕޮޒިޓިވްވި 18 މީހަކާއި، އަތޮޅުތަކުން ޕޮޒިޓިވްވި 40 މީހެއްގެ އިތުރުން އެހެނިހެން ސަރަޙައްދުތަކުން ޕޮޒިޓިވްވި 40 މީހަކުއެވެ.

މިއީ މިދިޔަ ޖޫންމަހު ޕޮޒިޓިވް ރޭޓް އުޅުނު 1000 އާ އަޅާބަލާއިރު ދަށް އަދަދެކެވެ. އަދި މިދިޔަ ޖުލައިމަހު މި އަދަދު ހުރީ 100 އިން މަތީގައެވެ.

✴️Weekly COVID-19 Cases pic.twitter.com/4K3cLcfvsv

— Health Protection Agency (@HPA_MV) August 15, 2022

ތާފަސް ހިސާބުތައް ދައްކާގޮތުން ކޯވިޑް ޖެހިގެން ހޮސްޕިޓަލްތަކުގައި އެޑްމިޓްކޮށްގެން ފަރުވާ ދޭންޖެހޭ މީހުން ޢަދަދުތައްވެސް މިހާރު ވަނީ ދަށްވާން ފަށާފައެވެ. އެގޮތުން މިދިޔަ ހަފްތާގައި އެޑްމިޓްކޮށްފައިވަނީ 6 މީހުންނެވެ.

ކޯވިޑްގެ ޖުމްލަ އަދަދުތަކަށް ބަލާއިރު މިހާތަނަށް ރާއްޖެއިން ކޯވިޑަށް ޕޮޒިޓިވްވީ މީހުންގެ ޢަދަދުވަނީ 184689އަށް އަރާފައެވެ. އަދި ރާއްޖެއިން މިބަލީގައި މިހާތަނަށް 307 މީހަކު ނިޔާވެފައިވެއެވެ.