މާލެ ސަރަހައްދުގެ މަގުތަކުގައި ދިމާވެފައިވާ ތޮއްޖެހުމާއި ޓްރެފިކް މައްސަލަތަކަށް އަވަސް ހައްލެއް ހޯދުމަށްޓަކައި، ކުރިއަށް އޮތް އޮކްޓޯބަރު މަހުން ފެށިގެން ހަލުވި ދުވެއްޔެއްގައި އަމަލީ މަސައްކަތްތައް ފެށުމަށް ތައްޔާރުވަމުންދާ ކަމަށް "ގްރޭޓާ މާލެ ޓްރާންސްޕޯޓް އެންޑް މޮބިލިޓީ އޮފީސް" އިން ހާމަކޮށްފިއެވެ.
އެ އިދާރާގެ ވެރިޔާ އަދި ކަސްޓަމްސްގެ ކުރީގެ ކޮމިޝަނަރު ޔޫސުފް މާނިޢު މުޙައްމަދު ވިދާޅުވި ގޮތުގައި، މިހާރު ކުރިއަށްދަނީ ކަމާގުޅޭ އިދާރާތަކާއެކު ބާއްވަންޖެހޭ މަޝްވަރާތަކެވެ.
މާނިއު މައުލޫމާތު ދެއްވި ގޮތުގައި ފުލުހުންނާއި، އެމްޓީސީސީ، އެޗްޑީސީ، އެކި ވުޒާރާތަކުގެ އިތުރުން މަދަރުސާތައް ހިމެނޭހެން ކަމާގުޅޭ ހުރިހާ ފަރާތްތަކާއެކު މަޝްވަރާތައް ކުރިއަށްދާއިރު، އޮކްޓޯބަރު މަހުން ފެށިގެން މާލޭގެ މަގުތަކާއި ޕާކިން ޒޯނުތަކުގެ ބެލެހެއްޓުން އެ އިދާރާއިން ރަސްމީކޮށް ހަވާލުވާނެއެވެ.
މި މަޝްވަރާތަކަށްފަހު އެކުލަވާލެވޭ އެކްޝަން ޕްލޭނާއެކު އަމަލީ މަސައްކަތް ފަށައި، ތަފްސީލުތައް އާންމުންނާ ހިއްސާކުރައްވާނެ ކަމަށްވެސް އޭނާ ވިދާޅުވިއެވެ.
މަގުމަތީގެ ރައްކާތެރިކަމާއި ޓްރެފިކަށް ދިމާވެފައިވާ ގޮންޖެހުންތަކާ މެދު އަލިއަޅުވާލައްވަމުން މާނިއު ވަނީ ބައެއް މުހިންމު ކަންތައްތަކެއް ފާހަގަކުރައްވާފައެވެ.
އެގޮތުން، ރަށްރަށުގައި ރަޖިސްޓްރީކޮށްފައިވާ އުޅަނދުތައް މާލޭގައި ދުއްވުމާއި، ނުބައި ދިމާލުން އޯވަޓޭކްކުރުން ފަދަ ނުރައްކާތެރި އާދަތައް ހިމެނެއެވެ.
މީގެއިތުރުން، ބައެއް އުޅަނދުތަކުގެ ޓަޔަރުތައް ވަރަށް ބޮޑަށް ވޭސްޓްވެފައި ހުރުމުގެ ސަބަބުން ބުރަކި ޖަހާ ވަގުތު ކަހައިގެން ގޮސް އެކްސިޑެންޓްތައް ހިނގުން އިތުރުވެފައިވާކަން އޭނާ ފާހަގަކުރެއްވިއެވެ.
"ގްރޭޓާ މާލެ ޓްރާންސްޕޯޓް އެންޑް މޮބިލިޓީ އޮފީސް" އަކީ މާލެ ސަރަހައްދުގެ ދަތުރުފަތުރުގެ ނިޒާމު ޒަމާނީކޮށް، އުޅަނދުފަހަރު ގިނަވުމުގެ ސަބަބުން ދިމާވާ ތޮއްޖެހުމުގެ މައްސަލައަށް އަވަސް ހައްލެއް ހޯދުމުގެ މަގުސަދުގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ޖުލައި 12 ގައި އުފެއްދެވި އިދާރާއެކެވެ.
ޓްރާންސްޕޯޓް މިނިސްޓްރީގެ ދަށުން ހިންގާ މި އިދާރާއިން ދަނީ މާލޭގެ ދަތުރުފަތުރުގެ ހާލަތު ރަނގަޅުކުރުމަށް ޚާއްޞަ ޕްރޮގްރާމްތައް އެކުލަވައިލަމުންނެވެ.
މާނިއު މައުލޫމާތު ދެއްވި ގޮތުގައި ފުލުހުންނާއި، އެމްޓީސީސީ، އެޗްޑީސީ، އެކި ވުޒާރާތަކުގެ އިތުރުން މަދަރުސާތައް ހިމެނޭހެން ކަމާގުޅޭ ހުރިހާ ފަރާތްތަކާއެކު މަޝްވަރާތައް ކުރިއަށްދާއިރު، އޮކްޓޯބަރު މަހުން ފެށިގެން މާލޭގެ މަގުތަކާއި ޕާކިން ޒޯނުތަކުގެ ބެލެހެއްޓުން އެ އިދާރާއިން ރަސްމީކޮށް ހަވާލުވާނެއެވެ.
މި މަޝްވަރާތަކަށްފަހު އެކުލަވާލެވޭ އެކްޝަން ޕްލޭނާއެކު އަމަލީ މަސައްކަތް ފަށައި، ތަފްސީލުތައް އާންމުންނާ ހިއްސާކުރައްވާނެ ކަމަށްވެސް އޭނާ ވިދާޅުވިއެވެ.
މަގުމަތީގެ ރައްކާތެރިކަމާއި ޓްރެފިކަށް ދިމާވެފައިވާ ގޮންޖެހުންތަކާ މެދު އަލިއަޅުވާލައްވަމުން މާނިއު ވަނީ ބައެއް މުހިންމު ކަންތައްތަކެއް ފާހަގަކުރައްވާފައެވެ.
އެގޮތުން، ރަށްރަށުގައި ރަޖިސްޓްރީކޮށްފައިވާ އުޅަނދުތައް މާލޭގައި ދުއްވުމާއި، ނުބައި ދިމާލުން އޯވަޓޭކްކުރުން ފަދަ ނުރައްކާތެރި އާދަތައް ހިމެނެއެވެ.
މީގެއިތުރުން، ބައެއް އުޅަނދުތަކުގެ ޓަޔަރުތައް ވަރަށް ބޮޑަށް ވޭސްޓްވެފައި ހުރުމުގެ ސަބަބުން ބުރަކި ޖަހާ ވަގުތު ކަހައިގެން ގޮސް އެކްސިޑެންޓްތައް ހިނގުން އިތުރުވެފައިވާކަން އޭނާ ފާހަގަކުރެއްވިއެވެ.
ޓްރާންސްޕޯޓް މިނިސްޓްރީގެ ދަށުން ހިންގާ މި އިދާރާއިން ދަނީ މާލޭގެ ދަތުރުފަތުރުގެ ހާލަތު ރަނގަޅުކުރުމަށް ޚާއްޞަ ޕްރޮގްރާމްތައް އެކުލަވައިލަމުންނެވެ.
ކިޔުންތެރިންގެ ހިޔާލު