ފަތުރުވެރިން ރާއްޖެ އައިސް އިމްރޭޝަން ކްލިއަރެންސް ވާން ދެން ނަގާނީ 35 ސިކުންތު ކަމަށް އިމިގްރޭޝަންގެ ކޮންޓްރޯލާ ޖެނެރަލް މުހައްމަދު އަހުމަދު (ހަނަފީ) ވިދާޅުވެއްޖެއެވެ.

\

ހަނަފީ ކުރެއްވި ޓްވީޓެއްގައި ވިދާޅުވީ، ފަތުރުވެރިން ރާއްޖެއައިސް ކްލިއާވާން ނަގާ ވަގުތު ކުޑަކުރުމަށް ކުރެވުނު މަސައްކަތުން، މިހާރު ފަތުރުވެރިން އިމިގްރޭޝަން ކްލިއާވާން ނަގާނީ ގާތްގަނޑަކަށް 35 ސިކުންތު ކަމަށެވެ. އެހެންކަމުން މިހާރު 14 ކައުންޓަރުން އެކުގައި ހިދުމަތް ދޭއިރު، 350 ފަތުރުވެރިންގެ އިމިގްރޭޝަން ކްލިއަރެންސަށް މިހާރު ނަގާނީ ގާތްގަނޑަކަށް 15 މިނެޓުކަމަށް ހަނަފީ ވިދާޅުވިއެވެ.

Actions speak louder than words.
I assure that, each tourist will take approx. 35secs for immigration clearance, following the recent enhancement. With this speed and 14 counters in action, a 350pax flight will be cleared in about 15mins. Thanks to officers for the effort. pic.twitter.com/o2XyXK6xRF

— Mohamed (Hanafy) 🇲🇻 (@hanafymv) December 16, 2020

ރާއްޖޭގެ ބޯޑަރު އަލުން ހުޅުވާލިފަހުން ރާއްޖެއަންނަ ފަތުރުވެރިން އިތުރުވެ ކްލިއަރެންސާއި އެހެނިހެން ހިދުމަތްތައް ލަސްވާ މައްސަލަވަނީ ފެންމަތިވެފައެވެ.

އެގޮތުން ގަޑިއިރުތަކެއް އެއާޕޯޓާ އަދި ޓީއެމްއޭ ސީ ޕްލްޭން ޓާމިނަލުގައި ހޭދަކުރަންޖެހޭކަން ވަނީ ފާހަގަވެފައެވެ.

އެގޮތުން ފަތުރުވެރިންނަށް ރިސޯޓަށް ނުދެވި މާލޭ ސަރަހައްދުގައި ރޭކުރަން ޖެހުމާއި ފަތުރުވެރިޔާ ދާން ބޭނުންވާ މަންޒިލަށް ގަޑިއަށް ނުދެވި ލަސްވާ ލަސްވުމަކީ އިތުރު ޚަރަދު ތަކެއް ހިނގައި ތަކުލީފުތަކެއް އުފުލަން ޖެހޭ ކަމެއް ކަމަށް ބުނެ އެދާއިރާގެ ކަމާބެހޭ ފަރާތްކުން ވަނީ ކަންބޮޑުވުން ފާޅުކޮށްފައެވެ.