އެއްވެސް ސަރުކާރެއް ވައްޓައިލަން ފުލުހުން ދެން ބަޣާވާތްނުކުރާނެކަމުގެ ޔަޤީންކަން އެރުވުމަށް، އެ މުއައްސަސާއިން ރައްޔިތުންގެ ކިބައިން ރަސްމީކޮށް މާފަށް އެދެންޖެހޭކަމަށް ދެކެވަޑައިގަންނަވާކަމަށް މާފަންނު އުތުރު ދާއިރާގެ މެންބަރު އިމްތިޔާޒު ފަހުމީ(އިންތި) ވިދާޅުވެއްޖެއެވެ.
މެންބަރު އިމްތިޔާޒު ފަހުމީ(އިންތި) މިހެން ވިދާޅުވީ މާޒީން ފުލުހުންނަށް ވަރަށް ގިނަ އިބުރަތްތަކެއް ލިބިގެން ގޮސްފައިވާ ކަމަށާއި ފުލުހުންގެ މުއައްސަސާގައި މިއަދު ތިބި ފަރާތްތަކާއި، ކުރިއަށް އޮތް ތަނުގައި ފުލުހުންގެ މުއައްސަސާއަށް ގުޅެން ތިބި ފަރާތްތަކުން އެއްވެސް ސަރުކާރެއް ވައްޓައިލަން ދެން ނުނިކުންނާނެކަމަށް ކޮމިޝަނަރ އޮފް ޕޮލިސް މުޙައްމަދު ޙަމީދު ދެއްވި ޔަގީން ކަމާއި ގުޅިގެން ކުރެއްވި ޓުވީޓެއްގައެވެ.
މާފަންނު އުތުރު ދާއިރާގެ މެންބަރު އިމްތިޔާޒު ފަހުމީ(އިންތި) ވިދާޅުވީ ފުލުހުން ނިކުމެ ވެރިކަން ވައްޓާނުލާނެ ކަމުގެ ޔަޤީންކަން އޮތްކަމަށްވާނަމަ ކިތަންމެހައި ވެސް ހެޔޮކަމަށާއި ކިތަންމެހައި ވެސް ރަނގަޅުކަމަށެވެ. ނަމަވެސް އެ ޔަޤީންކަން ރައްޔިތުންނަށް އެރުވުމަށް ބޭނުންވާ އެންމެ ކުޑަ މިންވަރަކީ “ޓުރުތު އެންޑް ރީކޮންސިލިއޭޝަން“ ގެ އުސޫލުން އެ މުއައްސަސާއިން ރައްޔިތުންގެ ކިބައިން ރަސްމީކޮށް މާފަށްއެދުން ކަމަށް ވެސް އިންތި ވިދާޅުވިއެވެ.
އެއްވެސް ސަރުކާރެއް ވައްޓައިލަން ފުލުހުން ދެން ނުނިކުންނާނެކަމުގެ ޔަޤީންކަން އަރުވާކަމަށް ސީޕީ ޙަމީދު ވިދާޅުވުމާއި ގުޅިގެން ކުރީގެ ރައީސް މުޙައްމަދު ނަޝީދު ވެސް ވަނީ ބަޣާވަތްކުރަން ނުނިކުންނާނެކަމަށް ބެލެވެން ނެތް ކަމަށް ވިދާޅުވެފައެވެ. ރައީސް ނަޝީދު ވިދާޅުވީ 07 ފެބްރުއަރީގައި ހިނގި ފަދަ ސަލާމަތީ ބާރުތަކުގެ ބަޔަކު ގައުމަށް ޣައްދާރުވުން ތަކުރާރު ވިޔަ ނުދިނުމަށް ކުރަން ޖެހޭ ކަންކަން ކޯނީ ރިޕޯޓްގައި ފާހަގަ ކޮށްފައި ވާނެ ކަމަށެވެ.
"އެކަންކަން ތަންފީޒު ނުކުރާހާ ހިނދަކު އަނެއްކާވެސް މިއުޓިނީއެއް (ބަޣާވާތެއް) ނުކުރާނެކަމަށް ދަންނަވާކަށް ނުކެރޭނެ." 19 ވަނަ ރައްޔިތުންގެ މަޖިލީހުގެ ރައީސް ވިދާޅުވިއެވެ.
މާފަންނު އުތުރު ދާއިރާގެ މެންބަރު އިމްތިޔާޒު ފަހުމީ(އިންތި) ވިދާޅުވީ ފުލުހުން ނިކުމެ ވެރިކަން ވައްޓާނުލާނެ ކަމުގެ ޔަޤީންކަން އޮތްކަމަށްވާނަމަ ކިތަންމެހައި ވެސް ހެޔޮކަމަށާއި ކިތަންމެހައި ވެސް ރަނގަޅުކަމަށެވެ. ނަމަވެސް އެ ޔަޤީންކަން ރައްޔިތުންނަށް އެރުވުމަށް ބޭނުންވާ އެންމެ ކުޑަ މިންވަރަކީ “ޓުރުތު އެންޑް ރީކޮންސިލިއޭޝަން“ ގެ އުސޫލުން އެ މުއައްސަސާއިން ރައްޔިތުންގެ ކިބައިން ރަސްމީކޮށް މާފަށްއެދުން ކަމަށް ވެސް އިންތި ވިދާޅުވިއެވެ.
އެއްވެސް ސަރުކާރެއް ވައްޓައިލަން ފުލުހުން ދެން ނުނިކުންނާނެކަމުގެ ޔަޤީންކަން އަރުވާކަމަށް ސީޕީ ޙަމީދު ވިދާޅުވުމާއި ގުޅިގެން ކުރީގެ ރައީސް މުޙައްމަދު ނަޝީދު ވެސް ވަނީ ބަޣާވަތްކުރަން ނުނިކުންނާނެކަމަށް ބެލެވެން ނެތް ކަމަށް ވިދާޅުވެފައެވެ. ރައީސް ނަޝީދު ވިދާޅުވީ 07 ފެބްރުއަރީގައި ހިނގި ފަދަ ސަލާމަތީ ބާރުތަކުގެ ބަޔަކު ގައުމަށް ޣައްދާރުވުން ތަކުރާރު ވިޔަ ނުދިނުމަށް ކުރަން ޖެހޭ ކަންކަން ކޯނީ ރިޕޯޓްގައި ފާހަގަ ކޮށްފައި ވާނެ ކަމަށެވެ.
"އެކަންކަން ތަންފީޒު ނުކުރާހާ ހިނދަކު އަނެއްކާވެސް މިއުޓިނީއެއް (ބަޣާވާތެއް) ނުކުރާނެކަމަށް ދަންނަވާކަށް ނުކެރޭނެ." 19 ވަނަ ރައްޔިތުންގެ މަޖިލީހުގެ ރައީސް ވިދާޅުވިއެވެ.
ކިޔުންތެރިންގެ ހިޔާލު