ރައީސް ޑރ. މުޙައްމަދު މުޢިއްޒުގެ އިސްނެންގެވުމާ އެއްގޮތަށް ފަހިދިރިއުޅުން ކޯޕަރޭޝަނުން، ކުންފުނީގެ ރަސްމީ ދަތުރު ޚަރަދުތައް އާންމު ކުރަން ނިންމާފައިވާ ކަމަށް އެކުންފުނީގެ މެނޭޖިންގ ޑިރެކްޓަރ ހަމްދާން ޝަކީލް ވިދާޅުވެއްޖެއެވެ.

އެފްޑީސީން އިއްޔެ ބުނެފައިވަނީ، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ އިސްނެންގެވުމާއި އެއްގޮތަށް، ކޮންމެ ދަތުރެއް ނިންމާތާ 15 ދުވަހުގެ ތެރޭގައި އެފްޑީސީން ކުރާ ރަސްމީ ދަތުރުފަތުރުގެ ޚަރަދުތައް ހާމަކުރާނެ ކަމަށެވެ.

FDC will be following the precedence set by H.E President Dr.Mohamed Muizzu @MMuizzu in disclosing all the travel expenses along with the receipts within 15 days. https://t.co/7sZbQK4g1s

— Hamdhan Shakeel (@HamdhanShakeel) December 4, 2023

ރައީސް އޮފީހުންވެސް ވަނީ ރައީސުލްޖުމްހޫރިއްޔާ ކުރައްވާ ދަތުރުފުޅުތައް ނިމޭތާ 15 ދުވަސްތެރޭގައި އެ ދަތުރުތަކުގެ ތަފްސީލްތައް ހާމަކުރާނެ ކަމަށް ބުނެފައެވެ.

ރައީސް އޮފީހުން ބުނިގޮތުގައި މިއީ ރަސްމީ ދަތުރުފުޅުތަކުގެ މަޢުލޫމާތު ހޯދަން އަބަދުވެސް ނޫސްވެރިން ވަރަށް މަސައްކަތްކުރަން ޖެހޭކަން އެމަނިކުފާނަށް އެނގިވަޑައިގަންނަވާތީ ނިންމެވި ނިންމެވުމެއްކަމަށެވެ.

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު، ރައީސުލްޖުމްހޫރިއްޔާކަމުގެ މަޤާމާއި ހަވާލުވެވަޑައިގެން މިހާތަނަށް ވަނީ ދެ ޤައުމަކަށް ވަޑައިގެންފައެެވެ. އެއީ ތުރުކީވިލާތަށާއި ޔޫއޭއީއަށެެވެ.