އެމްޑީޕީގެ މެމްބަރުން ފުލުހުންނާއި ގުޅޭގޮތުން ދެއްކެވި ވާހަކަތަކަށް ކުރީގެ އެކްޓިން ކޮމިޝަނަރު އޮފް ޕޮލިސްގެ މަގާމު ފުރުއްވި، އަބްދުﷲ ނަވާޒް ހޫނު ރައްދެއް ދެއްވައިފިއެވެ.
އިއްޔެ ބޭއްވި މަޖިލީހުގެ ޖަލްސާގައި އެމްޑީޕީގެ ބައެއް މެންބަރުންވަނީ ފުލުހުންނަކީ ރައްޔިތުންނަށް އަނިޔާވެރިވުމުގެ ސަގާފަތެއް ގެންގުޅޭ ބައެއް ކަމަށް ވިދާޅުވެ ފުލުހުންނަށް ވަރަށް ބޮޑަށް ފާޑުވިދާޅުވެފައެވެ. ފުލުހުންގެ ޔުނިފޯމު ބަދަލުކޮށް ކާކީ ކުލައިގެ ސޯޓުބުރިއަކާއި ދިގު އިސްޓާކީނު ލައްވައި ދަނޑިބުރިއެއް ދީފައި ފުލުހުން މަގުމައްޗަށް ނެރުމަށް މަޖިލިހުގެ މައްޗަންގޯޅީ އުތުރު ދާއިރާގެ މެންބަރު މުހަންމަދު ރަޝީދު (ބޯދިގު) ވަނީ ގޮވާލައްވާފައެވެ.
އެކަމާ ގުޅިގެން ރައީސް ޔާމިންގެ ސަރުކާރުގެ ކުރީގެ އެކްޓިންގ ކޮމިޝަނަރ އޮފް ޕޮލިސްގެ މަގާމު ފުރުއްވި އަބުދު ﷲ ނަވާޒް ވިދާޅުވީ ގައުމު އޮޔާ ދާއިރު ވެސް އެއްބަޔަކު އުޅެނީ ބަޔަކު ސޯޓް ނުލެއްވިގެން ކަމަށެވެ. މަޖިލީހުން ނިއްމައިފިނަމަ ފުލުހުންނަށް ސޯޓްވެސް ލެވިދާނެ ކަމަށާއި އެހެން ނަމަވެސް ސޯޓް ލައްވާފައި ދިގު އިސްޓާކީނު ލައްވަންޖެހޭނީ މަޖިލީހުގެ މެމްބަރުން ކަމަށް ނަވާޒު ވިދާޅުވިއެވެ.
"ހާދަ ވަރަކަށޭ ފުލުހުން ސޯޓް ލައްވައި އިސްޓާކީނަށް ނޭރުވިގެން ތިޔަ އުޅެނީ." ނަވާޒް ވިދާޅުވިއެވެ.
އެބަޔަކު ބޭނުންވާ ކަމެއް ނުވީމާ ރުޅި އަންނަ އުސޫލުން ފުލުހުންނަށް ރުޅިގަނޑު ބާލާތަން ފެންނަމުންދާ ކަމަށް ނަވާޒް ވިދާޅުވިއެވެ. ސަރުކާރުގަައި ތިބެ ރައްޔިތުންގެ މަޖިލީހުގެ ސުޕަރ މެޖޯރިޓީ އޮވެ އެކި ކުށްކުށުގެ ތުހުމަތު ކުރެވޭ ފުލުހުންނަށް ފިޔަވަޅު އެޅުމަށް ތާއީދު ކުރައްވާކަން ހަމަކުރައްވައި އަދި އެއީ މުހިންމު ކަމެއް ކަމަށް ނަވާޒް ވިދާޅުވިއެވެ.
"ތާއަބަދު ފުލުހުންނާއި ދޭތެރޭ ރައްޔިތުންގެ މެދުގައި ނަފުރަތު އުފެދޭ ގޮތަށް ކަން ނުކުރައްވާ ގެންނަން ވިދާޅުވި ރިފޯމޭޝަން ގެނަައުމުން ތިޔަ މައްސަލަ ހައްލުވާނެ ކަމަށް ފެނޭ. ކޮންމެ ސަރުކާރެއް އޮތަސް ފުލުހުންނަކީ ޚިދުމަތުގައި ތިބި ބަޔަކު ކަމުގައި ދަންނަންވާނެ." ސަރުކާރު ކޯލިޝަންގައި ހިމެނޭ ޖުމުހޫރީ ޕާޓީގެ މެމްބަރެއްގެ ގޮތުގައި މިހާރު ހުންނެވި ނަވާޒް ވިދާޅުވިއެވެ.
ރައީސް ޔާމިންގެ ސަރުކާރުގައި ޕޮލިސް އެކްޓިން ކޮމިޝަނަރެއްގެ މަގާމަށް ނަވާޒް އައްޔަން ކުރެއްވީ، ކުރީގެ ކޮމިޝަނަރު އަރީފް މަގާމުން ވަކި ކުރެއްވުމަށް ފަހުއެވެ. އަރީފް މަގާމުން ވަކި ކުރީ އެކެއް ފެބްރުއަރީގެ އަމުރު ތަންފީޒުކުރައްވާނެ ކަމަށް ވިދާޅުވެފައި ވަނިކޮށެވެ. ރައީސް ޔާމީނަށް އިންތިހާބު ނާކާމިޔާބުވެ ވަޑައިގެންނެވުމުން ވަނީ ނަވާޒް އެންވަރަންމެންޓް މިނިސްޓްރީގެ ޑެޕިއުޓީ މިނިސްޓަރު ކަމަށް އައްޔަން ކުރައްވާފަ އެވެ. ރައީސް ޔާމީންގެ ދައުރު ނިމެންދެން އޭނާ ހުންނެވީ އެ މަގާމުގަ އެވެ.
އެކަމާ ގުޅިގެން ރައީސް ޔާމިންގެ ސަރުކާރުގެ ކުރީގެ އެކްޓިންގ ކޮމިޝަނަރ އޮފް ޕޮލިސްގެ މަގާމު ފުރުއްވި އަބުދު ﷲ ނަވާޒް ވިދާޅުވީ ގައުމު އޮޔާ ދާއިރު ވެސް އެއްބަޔަކު އުޅެނީ ބަޔަކު ސޯޓް ނުލެއްވިގެން ކަމަށެވެ. މަޖިލީހުން ނިއްމައިފިނަމަ ފުލުހުންނަށް ސޯޓްވެސް ލެވިދާނެ ކަމަށާއި އެހެން ނަމަވެސް ސޯޓް ލައްވާފައި ދިގު އިސްޓާކީނު ލައްވަންޖެހޭނީ މަޖިލީހުގެ މެމްބަރުން ކަމަށް ނަވާޒު ވިދާޅުވިއެވެ.
"ހާދަ ވަރަކަށޭ ފުލުހުން ސޯޓް ލައްވައި އިސްޓާކީނަށް ނޭރުވިގެން ތިޔަ އުޅެނީ." ނަވާޒް ވިދާޅުވިއެވެ.
"ތާއަބަދު ފުލުހުންނާއި ދޭތެރޭ ރައްޔިތުންގެ މެދުގައި ނަފުރަތު އުފެދޭ ގޮތަށް ކަން ނުކުރައްވާ ގެންނަން ވިދާޅުވި ރިފޯމޭޝަން ގެނަައުމުން ތިޔަ މައްސަލަ ހައްލުވާނެ ކަމަށް ފެނޭ. ކޮންމެ ސަރުކާރެއް އޮތަސް ފުލުހުންނަކީ ޚިދުމަތުގައި ތިބި ބަޔަކު ކަމުގައި ދަންނަންވާނެ." ސަރުކާރު ކޯލިޝަންގައި ހިމެނޭ ޖުމުހޫރީ ޕާޓީގެ މެމްބަރެއްގެ ގޮތުގައި މިހާރު ހުންނެވި ނަވާޒް ވިދާޅުވިއެވެ.
ރައީސް ޔާމިންގެ ސަރުކާރުގައި ޕޮލިސް އެކްޓިން ކޮމިޝަނަރެއްގެ މަގާމަށް ނަވާޒް އައްޔަން ކުރެއްވީ، ކުރީގެ ކޮމިޝަނަރު އަރީފް މަގާމުން ވަކި ކުރެއްވުމަށް ފަހުއެވެ. އަރީފް މަގާމުން ވަކި ކުރީ އެކެއް ފެބްރުއަރީގެ އަމުރު ތަންފީޒުކުރައްވާނެ ކަމަށް ވިދާޅުވެފައި ވަނިކޮށެވެ. ރައީސް ޔާމީނަށް އިންތިހާބު ނާކާމިޔާބުވެ ވަޑައިގެންނެވުމުން ވަނީ ނަވާޒް އެންވަރަންމެންޓް މިނިސްޓްރީގެ ޑެޕިއުޓީ މިނިސްޓަރު ކަމަށް އައްޔަން ކުރައްވާފަ އެވެ. ރައީސް ޔާމީންގެ ދައުރު ނިމެންދެން އޭނާ ހުންނެވީ އެ މަގާމުގަ އެވެ.
ކިޔުންތެރިންގެ ހިޔާލު